ਪ੍ਰਧਾਨ ਮੰਤਰੀ  ਨਰੇਂਦਰ ਮੋਦੀ  ਵੱਲੋਂ  ਲੋਕ ਸਭਾ ਚੋਣਾਂ 2024 ਲਈ ਭਾਜਪਾ ਦੇ ਸੰਕਲਪ ਪੱਤਰ “ਭਾਜਪਾ ਦਾ ਸੰਕਲਪ – ਮੋਦੀ ਦੀ ਗਾਰੰਟੀ 2024” ਦੇ ਲੋਕ ਅਰਪਣ ਮੌਕੇ ਦਿੱਤੇ ਗਏ ਸੰਬੋਧਨ ਦੇ ਮੁੱਖ ਬਿੰਦੂ

ਭਾਜਪਾ ਦਾ ਸੰਕਲਪ ਪੱਤਰ ਐਨਡੀਏ ਦੀਆਂ ਪ੍ਰਾਪਤੀਆਂ ਦੀ ਇੱਕ ਵਿਆਪਕ ਵਿਆਪਕ ਝਲਕ ਪ੍ਰਦਾਨ ਕਰਦਾ ਹੈ ਅਤੇ 2047 ਤੱਕ ਇੱਕ ਵਿਕਸਤ ਭਾਰਤ ਦੇ ਨਿਰਮਾਣ ਦਾ ਦ੍ਰਿਸ਼ਟੀਕੋਣ ਪੇਸ਼ ਕਰਦਾ ਹੈ।

ਇਹ ਸੰਕਲਪ ਪੱਤਰ ਵਿਕਸਤ ਭਾਰਤ ਦੇ 4 ਮਜ਼ਬੂਤ ਥੰਮ੍ਹਾਂ – ਯੁਵਾ ਸ਼ਕਤੀ, ਮਹਿਲਾ ਸ਼ਕਤੀ, ਕਿਸਾਨ ਅਤੇ ਗਰੀਬਾਂ, ਸਾਰਿਆਂ ਨੂੰ ਸਸ਼ਕਤ ਕਰਦਾ ਹੈ। ਸਾਡਾ ਫੋਕਸ Dignity of Life ’ਤੇ ਹੈ, Quality of Life ’ਤੇ ਹੈ, ਨਿਵੇਸ਼ ਨਾਲ ਨੌਕਰੀਆਂ ‘ਤੇ ਹੈ।* ਇਸ ਸੰਕਲਪ ਪੱਤਰ ਵਿੱਚ Quantity of Opportunities ਅਤੇ Quality of Opportunities ਦੋਵਾਂ ‘ਤੇ ਬਹੁਤ ਜ਼ੋਰ ਦਿੱਤਾ ਗਿਆ ਹੈ।

ਇੱਕ ਪਾਸੇ ਅਸੀਂ ਬਹੁਤ ਸਾਰੇ ਬੁਨਿਆਦੀ ਢਾਂਚੇ ਦੇ ਨਿਰਮਾਣ ਦੁਆਰਾ ਵੱਡੀ ਗਿਣਤੀ ਵਿੱਚ ਨੌਕਰੀਆਂ ਪੈਦਾ ਕਰਨ ਦੀ ਗੱਲ ਕੀਤੀ ਹੈ। ਦੂਜੇ ਪਾਸੇ ਅਸੀਂ ਸਟਾਰਟਅੱਪਸ ਅਤੇ ਗਲੋਬਲ ਸੈਂਟਰਾਂ ਨੂੰ ਉਤਸ਼ਾਹਿਤ ਕਰਕੇ ਵੈਲਯੂ ਸਰਵਿਸਿਜ਼ ‘ਤੇ ਵੀ ਧਿਆਨ ਕੇਂਦਰਿਤ ਕਰਨ ਜਾ ਰਹੇ ਹਾਂ। ਅਸੀਂ ਇਹ ਯਕੀਨੀ ਬਣਾਵਾਂਗੇ ਕਿ ਗਰੀਬ ਦੇ ਭੋਜਨ ਦੀ ਥਾਲੀ ਪੌਸ਼ਟਿਕ ਹੋਵੇ, ਉਸਦੇ ਮਨ ਨੂੰ ਸੰਤੋਸ਼ ਦੇਣ ਵਾਲੀ ਹੋਵੇ ਅਤੇ ਅਫੋਰਡੇਬਲ ਹੋਵੇ। ਮੋਦੀ ਦੀ ਗਾਰੰਟੀ ਹੈ ਕਿ ਮੁਫਤ ਰਾਸ਼ਨ ਸਕੀਮ ਅਗਲੇ 5 ਸਾਲਾਂ ਤੱਕ ਜਾਰੀ ਰਹੇਗੀ।

ਹੁਣ ਭਾਜਪਾ ਨੇ ਸੰਕਲਪ ਲਿਆ ਹੈ ਕਿ 70 ਸਾਲ ਤੋਂ ਵੱਧ ਉਮਰ ਦੇ ਹਰ ਬਜ਼ੁਰਗ ਨੂੰ ਆਯੁਸ਼ਮਾਨ ਯੋਜਨਾ ਦੇ ਦਾਇਰੇ ਵਿੱਚ ਲਿਆਂਦਾ ਜਾਵੇਗਾ। 70 ਸਾਲ ਤੋਂ ਵੱਧ ਉਮਰ ਦੇ ਹਰੇਕ ਬਜ਼ੁਰਗ, ਚਾਹੇ ਉਹ ਗਰੀਬ ਹੋਣ, ਮੱਧ ਵਰਗ ਜਾਂ ਉੱਚ ਮੱਧ ਵਰਗ ਹੀ ਕਿਉਂ ਨਾ ਹੋਵ, ਉਨ੍ਹਾਂ ਨੂੰ 5 ਲੱਖ ਰੁਪਏ ਤੱਕ ਦੇ ਮੁਫ਼ਤ ਇਲਾਜ ਦੀ ਸਹੂਲਤ ਮਿਲੇਗੀ। ਜਿਨ੍ਹਾਂ ਨੂੰ ਕਿਸੇ ਨੇ ਨਹੀਂ ਪੁੱਛਿਆ, ਉਨ੍ਹਾਂ ਨੂੰ ਮੋਦੀ ਪੂਜਦਾ ਹੈ। ਇਹੀ ਸਬਕਾ ਸਾਥ, ਸਬਕਾ ਵਿਕਾਸ ਦੀ ਭਾਵਨਾ ਹੈ ਅਤੇ ਇਹੀ ਭਾਜਪਾ ਦੇ ਸੰਕਲਪ ਪੱਤਰ ਦੀ ਆਤਮਾ ਵੀ ਹੈ।

ਭਾਰਤ ਅੱਜ Women Led Development ਵਿੱਚ ਦੁਨੀਆ ਨੂੰ ਦਿਸ਼ਾ ਦਿਖਾ ਰਿਹਾ

ਭਾਰਤ ਅੱਜ Women Led Development ਵਿੱਚ ਦੁਨੀਆ ਨੂੰ ਦਿਸ਼ਾ ਦਿਖਾ ਰਿਹਾ ਹੈ। ਪਿਛਲੇ 10 ਸਾਲ ਔਰਤਾਂ ਦੇ ਸਨਮਾਨ, ਔਰਤਾਂ ਲਈ ਨਵੇਂ ਮੌਕਿਆਂ ਨੂੰ ਸਮਰਪਿਤ ਰਹੇ ਹਨ। ਆਉਣ ਵਾਲੇ 5 ਸਾਲ ਨਾਰੀ ਸ਼ਕਤੀ ਦੀ ਨਵੀਂ ਭਾਗੀਦਾਰੀ ਦੇ ਹੋਣਗੇ। ਭਾਜਪਾ ਦਾ ਸੰਕਲਪ, ਭਾਰਤ ਨੂੰ ਫੂਡ ਪ੍ਰੋਸੈਸਿੰਗ ਹੱਬ ਬਣਾਉਣ ਦਾ ਹੈ। ਇਸ ਨਾਲ ਵੈਲਯੂ ਐਡੀਸ਼ਨ ਹੋਵੇਗਾ, ਕਿਸਾਨ ਦਾ ਮੁਨਾਫਾ ਵਧੇਗਾ ਅਤੇ ਰੁਜ਼ਗਾਰ ਦੇ ਨਵੇਂ ਮੌਕੇ ਵੀ ਪੈਦਾ ਹੋਣਗੇ। ਇਹ ਫੂਡ ਪ੍ਰੋਸੈਸਿੰਗ ਪਲਾਂਟ, ਰੂਰਲ ਇਕੋਨਾਮੀ ਦੇ ਨਵੇਂ ਗ੍ਰੋਥ ਇੰਜਣ ਬਣਨਗੇ। ਭਾਜਪਾ, ਵਿਕਾਸ ਵੀ ਅਤੇ ਵਿਰਾਸਤ ਵੀ ਦੇ ਮੰਤਰ ’ਤੇ ਵਿਸ਼ਵਾਸ ਕਰਦੀ ਹੈ। ਅਸੀਂ ਪੂਰੀ ਦੁਨੀਆ ਵਿੱਚ ਤਿਰੂਵੱਲੁਰ ਕਲਚਰਲ ਸੈਂਟਰਜ਼ ਬਣਾਵਾਂਗੇ। ਦੁਨੀਆ ਦੀ ਸਭ ਤੋਂ ਪੁਰਾਣੀ ਭਾਸ਼ਾ ਤਾਮਿਲ ਸਾਡਾ ਮਾਣ ਹੈ। ਤਾਮਿਲ ਭਾਸ਼ਾ ਦੇ ਵਿਸ਼ਵ ਵੱਕਾਰ ਨੂੰ ਵਧਾਉਣ ਲਈ ਭਾਜਪਾ ਹਰ ਸੰਭਵ ਕੋਸ਼ਿਸ਼ ਕਰੇਗੀ।

ਦੇਸ਼ ਵਿੱਚ ਟੂਰਿਜ਼ਮ ਦੇ ਪੋਟੈਂਸ਼ੀਅਲ ਨੂੰ ਅਨਲਾਕ ਕੀਤਾ ਜਾਣਾ ਬਾਕੀ

ਸਾਡੇ ਦੇਸ਼ ਵਿੱਚ ਟੂਰਿਜ਼ਮ ਦੇ ਪੋਟੈਂਸ਼ੀਅਲ ਨੂੰ ਅਨਲਾਕ ਕੀਤਾ ਜਾਣਾ ਬਾਕੀ ਹੈ। ਭਾਜਪਾ ਵੱਲੋਂ ਵਿਸ਼ਵ ਪ੍ਰਵਾਸੀ-ਗਲੋਬਲ ਟੂਰਿਸਟਸ ਨੂੰ ਸਾਡੀ ਵਿਰਾਸਤ ਨਾਲ ਜੋੜਿਆ ਜਾਵੇਗਾ ਅਤੇ ਇਸ ਵਿਰਾਸਤ ਨੂੰ ਅਸੀਂ ਵਰਲਡ ਹੈਰੀਟੇਜ ਨਾਲ ਜੋੜਾਂਗੇ। 21ਵੀਂ ਸਦੀ ਦੇ ਭਾਰਤ ਦੀ ਨੀਂਹ, ਭਾਜਪਾ ਤਿੰਨ ਤਰ੍ਹਾਂ ਦੇ ਇਨਫ੍ਰਾਸਟ੍ਰਕਚਰ ਨੂੰ ਮਜ਼ਬੂਤ ਕਰ ਰਹੀ ਹੈ। ਪਹਿਲਾ ਹੈ-ਸੋਸ਼ਲ ਇਨਫ੍ਰਾਸਟ੍ਰਕਚਾਰ। ਦੂਜਾ ਹੈ- ਫਿਜ਼ੀਕਲ ਇਨਫ੍ਰਾਸਟ੍ਰਕਚਾਰ। ਤੀਜਾ ਹੈ-ਡਿਟਲ ਇਨਫ੍ਰਾਸਟ੍ਰਕਚਾਰ। ਸਾਡੇ ਦੇਸ਼ ਵਿੱਚ ਅਰਬੇਨਾਈਜੇਸ਼ਨ ਨੂੰ ਪਹਿਲਾਂ ਦੀਆਂ ਸਰਕਾਰਾਂ ਚੁਣੌਤੀ ਸਮਝਦੀਆਂ ਸਨ। ਭਾਜਪਾ ਇਸਨੂੰ ਮੌਕੇ ਵਜੋਂ ਦੇਖਦੀ ਹੈ। ਅਸੀਂ ਦੇਸ਼ ਵਿੱਚ ਨਵੇਂ-ਨਵੇਂ ਸੈਟੇਲਾਈਟ ਟਾਊਨ ਬਣਾਵਾਂਗੇ ਜੋ ਦੇਸ਼ ਦੇ ਵਿਕਾਸ ਦੇ ਗ੍ਰੋਥ ਸੈਂਟਰ ਬਣਨਗੇ, ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਕਰਨਗੇ।

 ਭਾਜਪਾ  ਸਖ਼ਤ ਫੈਸਲੇ ਲੈਣ ਤੋਂ ਕਦੇ ਵੀ ਪਿੱਛੇ ਨਹੀਂ ਹਟਦੀ

ਭਾਰਤੀ ਜਨਤਾ ਪਾਰਟੀ ਦੇਸ਼ ਦੇ ਹਿੱਤ ਵਿੱਚ ਵੱਡੇ ਅਤੇ ਸਖ਼ਤ ਫੈਸਲੇ ਲੈਣ ਤੋਂ ਕਦੇ ਵੀ ਪਿੱਛੇ ਨਹੀਂ ਹਟਦੀ। ਸਾਡੇ ਲਈ ਦਲ ਤੋਂ ਵੱਡਾ ਦੇਸ਼ ਹੈ। ਨਾਰੀਸ਼ਕਤੀ ਵੰਦਨ ਐਕਟ ਹੁਣ ਕਾਨੂੰਨ ਬਣ ਗਿਆ ਹੈ। ਸਾਡੀ ਸਰਕਾਰ ਨੇ ਧਾਰਾ 370 ਹਟਾ ਦਿੱਤੀ ਅਤੇ ਅਸੀਂ CAA ਲਿਆਏ। ਅਸੀਂ Reform-Perform-Transform ਦੇ ਮੰਤਰ ਦੀ ਪਾਲਣਾ ਕਰ ਰਹੇ ਹਾਂ।  ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ  ਨੇ ਅੱਜ ਐਤਵਾਰ ਨੂੰ ਭਾਜਪਾ ਕੇਂਦਰੀ ਦਫਤਰ ਵਿਸਥਾਰ ’ਚ 2024 ਦੀਆਂ ਲੋਕ ਸਭਾ ਚੋਣਾਂ ਲਈ ਭਾਜਪਾ ਦੇ ਸੰਕਲਪ ਪੱਤਰ “ਭਾਜਪਾ ਦਾ ਸੰਕਲਪ – ਮੋਦੀ ਦੀ ਗਰੰਟੀ 2024” ਲਾਂਚ ਕੀਤਾ। ਪ੍ਰੋਗਰਾਮ ’ਚ ਮੰਚ ’ਤੇ  ਰਾਸ਼ਟਰੀ ਪ੍ਰਧਾਨਜਗਤ ਪ੍ਰਕਾਸ਼ ਨੱਡਾ, ਕੇਂਦਰੀ ਰੱਖਿਆ ਮੰਤਰੀ ਅਤੇ ਭਾਜਪਾ ਮੈਨੀਫੈਸਟੋ ਕਮੇਟੀ ਦੇ ਪ੍ਰਧਾਨਰਾਜਨਾਥ ਸਿੰਘ, ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀਅਮਿਤ ਸ਼ਾਹ ਦੇ ਨਾਲ-ਨਾਲ ਕੇਂਦਰੀ ਵਿੱਤ ਮੰਤਰੀ ਅਤੇ ਭਾਜਪਾ ਮੈਨੀਫੈਸਟੋ ਕਮੇਟੀ ਦੀ ਕਨਵੀਨਰ ਮਤੀ ਨਿਰਮਲਾ ਸੀਤਾਰਮਨ ਵੀ ਮੌਜੂਦ ਸੀ।

ਇਸ ਮੌਕੇ ਪਾਰਟੀ ਦੇ ਸਾਰੇ ਸੀਨੀਅਰ ਆਗੂ ਹਾਜ਼ਰ ਸਨ।  ਪ੍ਰਧਾਨ ਮੰਤਰੀ  ਨੇ ਵੱਖ-ਵੱਖ ਵਰਗਾਂ ਅਤੇ ਖੇਤਰਾਂ ਦੇ ਲਾਭਪਾਤਰੀਆਂ ਨੂੰ ਸਟੇਜ ‘ਤੇ ਬੁਲਾ ਕੇ ਸੰਕਲਪ ਪੱਤਰ ਦੀ ਪਹਿਲੀ ਕਾਪੀ ਸੌਂਪੀ। ਇਹ ਉਹ ਲਾਭਪਾਤਰੀ ਹਨ ਜਿਨ੍ਹਾਂ ਨੂੰਨਰੇਂਦਰ ਮੋਦੀ ਸਰਕਾਰ ਦੀ ਕਿਸੇ ਨਾ ਕਿਸੇ ਯੋਜਨਾ ਦਾ ਲਾਭ ਹੋਇਆ ਹੈ। ਪ੍ਰੋਗਰਾਮ ਵਿੱਚ,  ਪ੍ਰਧਾਨ ਮੰਤਰੀਨਰੇਂਦਰ ਮੋਦੀ  ਦੀ ਅਗਵਾਈ ਵਿੱਚ ਕੇਂਦਰ ਵਿੱਚ ਭਾਜਪਾ ਦੀ ਅਗਵਾਈ ਵਾਲੀ ਐਨ. ਡੀ. ਏ ਸਰਕਾਰ ਦੇ ਪਿਛਲੇ 10 ਸਾਲਾਂ ਦੇ ਵਾਅਦਿਆਂ ਅਤੇ ਉਨ੍ਹਾਂ ਦੀ ਪੂਰਤੀ ਬਾਰੇ ਬਣਿਆ ਇੱਕ ਵੀਡੀਓ ਵੀ ਜਾਰੀ ਕੀਤੀ ਗਈ।  ਪ੍ਰਧਾਨ ਮੰਤਰੀਨਰੇਂਦਰ ਮੋਦੀ  ਨੇ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਦੀ ਜਯੰਤੀ ’ਤੇ ਸ਼ਰਧਾਂਜਲੀ ਭੇਟ ਕਰਕੇ ਉਨ੍ਹਾਂ ਨੂੰ ਨਮਨ ਕੀਤਾ।

ਅੱਜ ਦਾ ਦਿਨ ਬਹੁਤ ਸ਼ੁਭ ਦਿਨ ਹੈ

ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ  ਨੇ ਕਿਹਾ ਕਿ ਅੱਜ ਦਾ ਦਿਨ ਬਹੁਤ ਸ਼ੁਭ ਦਿਨ ਹੈ। ਇਸ ਸਮੇਂ ਦੇਸ਼ ਦੇ ਕਈ ਰਾਜਾਂ ਵਿੱਚ ਨਵੇਂ ਸਾਲ ਨੂੰ ਲੈ ਕੇ ਉਤਸ਼ਾਹ ਹੈ। ਬੰਗਾਲ ਵਿੱਚ ਵੈਸਾਖ, ਅਸਾਮ ਵਿੱਚ ਬਿਹੂ, ਓਡੀਸ਼ਾ ਵਿੱਚ ਪਾਨਾ ਸੰਕ੍ਰਾਂਤੀ, ਕੇਰਲ ਵਿੱਚ ਬਿਸ਼ੂ, ਤਾਮਿਲਨਾਡੂ ਵਿੱਚ ਨਵਾਂ ਸਾਲ ਪੁਥਾਂਡੂ – ਹਰ ਪਾਸੇ ਖੁਸ਼ੀ ਦਾ ਵਾਤਾਵਰਨ ਹੈ। ਨਵਰਾਤਰੀ ਦੇ ਛੇਵੇਂ ਦਿਨ ਅਸੀਂ ਸਾਰੇ ਮਾਂ ਕਾਤਯਾਨੀ ਦੀ ਪੂਜਾ ਕਰਦੇ ਹਾਂ। ਮਾਂ ਕਾਤਯਾਨੀ ਨੇ ਆਪਣੀਆਂ ਦੋਵੇਂ ਬਾਹਾਂ ਵਿੱਚ ਕਮਲ ਫੜਿਆ ਹੋਇਆ ਹੈ। ਇਹ ਇਤਫ਼ਾਕ ਵੀ ਬਹੁਤ ਵੱਡਾ ਆਸ਼ੀਰਵਾਦ ਹੈ। ਸੋਨੇ ’ਚ ਸੁਹਾਗਾ ਕਿ ਅੱਜ ਬਾਬਾ ਸਾਹਿਬ ਅੰਬੇਡਕਰ ਦੀ ਜਯੰਤੀ ਵੀ ਹੈ।

ਮੋਦੀ ਨੇ ਆਪਣੇ ਸੰਬੋਧਨ ਦੀ ਸ਼ੁਰੂਆਤ ਵਿੱਚ ਭਾਰਤੀ ਜਨਤਾ ਪਾਰਟੀ ਵਿੱਚ ਅਥਾਹ ਵਿਸ਼ਵਾਸ ਰੱਖਦਿਆਂ ਆਪਣੇ ਕੀਮਤੀ ਸੁਝਾਅ ਦੇਣ ਅਤੇ ਸੰਕਲਪ ਪੱਤਰ ਬਣਾਉਣ ਵਿੱਚ ਆਪਣੀ ਸਰਗਰਮ ਭਾਗੀਦਾਰੀ ਨਿਭਾਉਣ ਲਈ ਦੇਸ਼ ਭਰ ਦੇ ਲੱਖਾਂ ਨਾਗਰਿਕਾਂ ਦਾ ਧੰਨਵਾਦ ਕੀਤਾ। ਅੱਜ ਭਾਰਤੀ ਜਨਤਾ ਪਾਰਟੀ ਨੇ ਦੇਸ਼ ਦੇ ਸਾਹਮਣੇ ਵਿਕਸਿਤ ਭਾਰਤ ਦਾ ਸੰਕਲਪ ਪੱਤਰ ਰੱਖਿਆ ਹੈ। ਮੈਂ ਤੁਹਾਨੂੰ ਸਾਰਿਆਂ ਨੂੰ ਵਧਾਈ ਦਿੰਦਾ ਹਾਂ।

ਮੈਨੀਫੈਸਟੋ ਕਮੇਟੀ ਦੇ ਪ੍ਰਧਾਨ ਰਾਜਨਾਥ  ਅਤੇ ਉਨ੍ਹਾਂ ਦੀ ਟੀਮ ਦੇ ਨਾਲ ਅੱਠ ਲੱਖ ਸੁਝਾਅ ਭੇਜਣ ਵਾਲੇ ਦੇਸ਼ ਦੇ ਨਾਗਰਿਕਾਂ ਦਾ ਵੀ ਧੰਨਵਾਦ ਕਰਦਾ ਹਾਂ।  ਪ੍ਰਧਾਨ ਮੰਤਰੀਨਰੇਂਦਰ ਮੋਦੀ  ਨੇ ਕਿਹਾ ਕਿ ਪੂਰਾ ਦੇਸ਼ ਭਾਜਪਾ ਦੇ ਸੰਕਲਪ ਪੱਤਰ ਦੀ ਉਡੀਕ ਕਰਦਾ ਹੈ ਕਿਉਂਕਿ ਪਿਛਲੇ 10 ਸਾਲਾਂ ਵਿੱਚ ਭਾਜਪਾ ਨੇ ਸੰਕਲਪ ਪੱਤਰ ਦੇ ਹਰ ਬਿੰਦੂ ਨੂੰ ਗਾਰੰਟੀ ਵਜੋਂ ਜ਼ਮੀਨੀ ਪੱਤਰ ’ਤੇ ਲਾਗੂ ਕੀਤਾ ਹੈ ਅਤੇ ਚੋਣ ਮਨੋਰਥ ਪੱਤਰ ਦੀ ਸ਼ੁੱਧਤਾ ਨੂੰ ਮੁੜ ਸਥਾਪਿਤ ਕੀਤਾ ਹੈ।  ਇਹ ਸੰਕਲਪ ਪੱਤਰ ਵਿਕਸਿਤ ਭਾਰਤ ਦੇ 4 ਮਜ਼ਬੂਤ ਥੰਮ੍ਹਾਂ (GYAN), ਗਰੀਬ, ਨੌਜਵਾਨ ਸ਼ਕਤੀ, ਅੰਨਦਾਤਾ ਅਤੇ ਨਾਰੀ ਸ਼ਕਤੀ ਨੂੰ ਸਸ਼ਕਤ ਕਰਦਾ ਹੈ। ਭਾਜਪਾ ਸਰਕਾਰ ਦਾ ਧਿਆਨ DIgnity of LIfe, Quality of Life  ਅਤੇ ਨਿਵੇਸ਼ ਰਾਹੀਂ ਨੌਕਰੀਆਂ ‘ਤੇ ਵੀ ਹੈ।

ਕੁਆਲਿਟੀ ਆਫ਼ ਆਪਰਚੁਨਿਟੀ ਦੋਵਾਂ ‘ਤੇ ਜ਼ੋਰ

ਇਸ ਸੰਕਲਪ ਪੱਤਰ ’ਚ ਕੁਆਂਟਿਟੀ ਆਫ਼ ਆਪਰਚੁਨਿਟੀ (Quantity of Opportunity) ਅਤੇ ਕੁਆਲਿਟੀ ਆਫ਼ ਆਪਰਚੁਨਿਟੀ (Quality of Opportunity) ਦੋਵਾਂ ‘ਤੇ ਜ਼ੋਰ ਦਿੱਤਾ ਗਿਆ ਹੈ।  ਪ੍ਰਧਾਨ ਮੰਤਰੀ  ਨੇ ਕਿਹਾ ਕਿ ਇੱਕ ਪਾਸੇ ਭਾਜਪਾ ਸਰਕਾਰ ਨੇ ਇਨਫ੍ਰਾਸਟ੍ਰਕਚਰ ਨਿਰਮਾਣ ਰਾਹੀਂ ਵੱਡੀ ਗਿਣਤੀ ਵਿੱਚ ਨੌਕਰੀਆਂ ਪੈਦਾ ਕਰਨ ਦੀ ਗੱਲ ਕੀਤੀ ਹੈ ਅਤੇ ਹੁਣ ਦੂਜੇ ਪਾਸੇ ਭਾਜਪਾ ਵੀ ਸਟਾਰਟਅੱਪ ਅਤੇ ਗਲੋਬਲ ਸੈਂਟਰਾਂ ਨੂੰ ਉਤਸ਼ਾਹਿਤ ਕਰਕੇ ਹਾਈਵੈਲਯੂਜ਼-ਸਰਵਿਸਿੰਗ ‘ਤੇ ਜ਼ੋਰ ਦੇਣ ਜਾ ਰਹੀ ਹੈ। ਭਾਜਪਾ ਦਾ ਇਹ ਸੰਕਲਪ ਪੱਤਰ ਨੌਜਵਾਨ ਭਾਰਤ ਦੀਆਂ ਨੌਜਵਾਨ ਇੱਛਾਵਾਂ ਨੂੰ ਵੀ ਦਰਸਾਉਂਦਾ ਹੈ।

ਭਾਜਪਾ ਸਰਕਾਰ ਨੇ ਪਿਛਲੇ 10 ਸਾਲਾਂ ‘ਚ 25 ਕਰੋੜ ਲੋਕਾਂ ਨੂੰ ਗਰੀਬੀ ‘ਚੋਂ ਬਾਹਰ ਕੱਢ ਕੇ ਸਾਬਤ ਕਰ ਦਿੱਤਾ ਹੈ ਕਿ ਭਾਜਪਾ ਸਰਕਾਰ ਨਤੀਜੇ ਤਾਂ ਲਿਆਉਂਦੀ ਹੈ ਪਰ ਕੰਮ ਇੱਥੇ ਹੀ ਨਹੀਂ ਰੁਕਦਾ ਕਿਉਂਕਿ ਗਰੀਬੀ ‘ਚੋਂ ਬਾਹਰ ਆਏ ਲੋਕਾਂ ਨੂੰ ਲੰਬੇ ਸਮੇਂ ਤੋਂ ਸਹਾਰੇ ਦੀ ਲੋੜ ਹੁੰਦੀ ਹੈ ਕਿਉਂਕਿ ਗਰੀਬੀ ਤੋਂ ਬਾਹਰ ਆਉਂਦੇ ਇੱਕ ਵਿਅਕਤੀ ਨੂੰ ਛੋਟੀ ਜਿਹੀ ਮੁਸ਼ਕਿਲ ਵਾਪਸ ਗਰੀਬੀ ਵੱਲ ਧੱਕ ਸਕਦੀ ਹੈ। ਇਸ ਸੋਚ ਨਾਲ ਭਾਜਪਾ ਨੇ ਗਰੀਬਾਂ ਦੀ ਭਲਾਈ ਲਈ ਕਈ ਯੋਜਨਾਵਾਂ ਦਾ ਵਿਸਥਾਰ ਕਰਨ ਦਾ ਸੰਕਲਪ ਲਿਆ ਹੈ। ਮੋਦੀ ਦੀ ਗਾਰੰਟੀ ਹੈ ਕਿ ਮੁਫਤ ਰਾਸ਼ਨ ਸਕੀਮ ਆਉਣ ਵਾਲੇ 5 ਸਾਲਾਂ ਤੱਕ ਜਾਰੀ ਰਹੇਗੀ।

ਸਸਤੀਆਂ ਦਵਾਈਆਂ 80 ਫੀਸਦੀ ਛੋਟ ‘ਤੇ ਮਿਲਦੀਆਂ ਰਹਿਣਗੀਆਂ

ਭਾਜਪਾ ਸਰਕਾਰ ਇਹ ਯਕੀਨੀ ਬਣਾਏਗੀ ਕਿ ਗਰੀਬਾਂ ਦੇ ਭੋਜਨ ਦੀ ਥਾਲੀ ਪੌਸ਼ਟਿਕ ਹੋਵ ਅਤੇ ਸਸਤੀ ਹੋਣ ਦੇ ਨਾਲ ਮਨ ਲਈ ਤਸੱਲੀਬਖਸ਼ ਹੋਵੇ, ਤਾਂ ਜੋ ਗਰੀਬਾਂ ਦਾ ਢਿੱਡ ਵੀ ਭਰੇ, ਮਨ ਵੀ ਭਰੇ ਅਤੇ ਜੇਬਾਂ ਵੀ ਭਰੀ ਰਹੇ। ਮੋਦੀ ਦੀ ਗਾਰੰਟੀ ਹੈ ਕਿ ਸਾਰੇ ਜਨ ਔਸ਼ਧੀ ਕੇਂਦਰਾਂ ‘ਤੇ ਸਸਤੀਆਂ ਦਵਾਈਆਂ 80 ਫੀਸਦੀ ਛੋਟ ‘ਤੇ ਮਿਲਦੀਆਂ ਰਹਿਣਗੀਆਂ ਅਤੇ ਜਨ ਔਸ਼ਧੀ ਕੇਂਦਰਾਂ ਦਾ ਵੀ ਵਿਸਥਾਰ ਕੀਤਾ ਜਾਵੇਗਾ। ਮੋਦੀ ਦੀ ਗਾਰੰਟੀ ਹੈ ਕਿ ਆਯੁਸ਼ਮਾਨ ਭਾਰਤ ਯੋਜਨਾ ਤਹਿਤ 5 ਲੱਖ ਰੁਪਏ ਤੱਕ ਦਾ ਮੁਫਤ  ਇਲਾਜ ਮਿਲਦਾ ਰਹੇਗਾ। ਮੋਦੀ ਦੀ ਗਾਰੰਟੀ ਨੂੰ ਜਾਰੀ ਰੱਖਦਿਆਂ ਭਾਜਪਾ ਨੇ 70 ਸਾਲ ਤੋਂ ਵੱਧ ਉਮਰ ਦੇ ਹਰ ਬਜ਼ੁਰਗ ਨੂੰ ਆਯੂਸ਼ਮਾਨ ਯੋਜਨਾ ਦੇ ਦਾਇਰੇ ‘ਚ ਲਿਆਉਣ ਦਾ ਵੱਡਾ ਫੈਸਲਾ ਲਿਆ ਹੈ। 70 ਸਾਲ ਤੋਂ ਵੱਧ ਉਮਰ ਦੇ ਹਰੇਕ ਬਜ਼ੁਰਗ ਭਾਵੇਂ ਉਹ ਗਰੀਬ ਹੋਵੇ, ਮੱਧ ਵਰਗ ਜਾਂ ਉੱਚ ਮੱਧ ਵਰਗ ਦਾ ਹੋਵ, ਸਾਡੀ ਸਰਕਾਰ 5 ਲੱਖ ਰੁਪਏ ਤੱਕ ਮੁਫ਼ਤ ਇਲਾਜ ਦੀ ਸਹੂਲਤ ਦੇਵੇਗੀ।

ਗਰੀਬਾਂ ਲਈ 4 ਕਰੋੜ ਪੱਕੇ ਮਕਾਨ ਬਣਾ ਕੇ ਦਿੱਤੇ

ਮੋਦੀ ਨੇ ਕਿਹਾ ਕਿ ਭਾਜਪਾ ਸਰਕਾਰ ਨੇ ਹੁਣ ਤੱਕ ਗਰੀਬਾਂ ਲਈ 4 ਕਰੋੜ ਪੱਕੇ ਮਕਾਨ ਬਣਾ ਕੇ ਦਿੱਤੇ ਹਨ ਅਤੇ ਇਸ ਯੋਜਨਾ ਦਾ ਵਿਸਥਾਰ ਕਰਦੇ ਹੋਏ ਭਾਜਪਾ ਸਰਕਾਰ ਨੇ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਤਹਿਤ 3 ਕਰੋੜ ਹੋਰ ਪੱਕੇ ਮਕਾਨ ਬਣਾਉਣ ਦਾ ਸੰਕਲਪ ਲਿਆ ਹੈ। ਹੁਣ ਤੱਕ ਭਾਜਪਾ ਸਰਕਾਰ ਨੇ ਘਰ-ਘਰ ਸਸਤੇ ਸਿਲੰਡਰ ਪਹੁੰਚਾਏ ਹਨ ਪਰ ਹੁਣ ਭਾਜਪਾ ਘਰ-ਘਰ ਤੱਕ ਪਾਈਪ ਰਾਹੀਂ ਸਸਤੀ ਰਸੋਈ ਗੈਸ ਪਹੁੰਚਾਉਣ ਦਾ ਕੰਮ ਵੀ ਤੇਜ਼ੀ ਨਾਲ ਪੂਰਾ ਕਰੇਗੀ।

ਭਾਜਪਾ ਸਰਕਾਰ ਨੇ ਕਰੋੜਾਂ ਗਰੀਬ ਪਰਿਵਾਰਾਂ ਨੂੰ ਮੁਫਤ ਬਿਜਲੀ ਕੁਨੈਕਸ਼ਨ ਦਿੱਤੇ ਹਨ ਅਤੇ ਹੁਣ ਭਾਜਪਾ ਸਰਕਾਰ ਕਰੋੜਾਂ ਪਰਿਵਾਰਾਂ ਦੇ ਬਿਜਲੀ ਦੇ ਬਿੱਲ ਨੂੰ ਜ਼ੀਰੋ ਕਰਨ ਅਤੇ ਬਿਜਲੀ ਤੋਂ ਕਮਾਈ ਕਰਨ ਦੇ ਮੌਕੇ ਪੈਦਾ ਕਰਨ ਲਈ ਕੰਮ ਕਰ ਰਹੀ ਹੈ। ਇਸ ਦੇ ਸਬੰਧ ਵਿੱਚ, ਪ੍ਰਧਾਨ ਮੰਤਰੀ ਸੂਰਜਘਰ ਮੁਫਤ ਬਿਜਲੀ ਯੋਜਨਾ ਲਾਗੂ ਕੀਤੀ ਗਈ ਹੈ ਅਤੇ ਇਸ ਯੋਜਨਾ ਦੇ ਤਹਿਤ 1 ਕਰੋੜ ਲੋਕਾਂ ਨੇ ਰਜਿਸਟਰ ਕੀਤਾ ਹੈ।

ਭਾਜਪਾ ਨੇ ਸੰਕਲਪ ਲਿਆ ਹੈ ਕਿ ਇਸ ਯੋਜਨਾ ‘ਤੇ ਕੰਮ ਤੇਜ਼ ਰਫਤਾਰ ਨਾਲ ਕੀਤਾ ਜਾਵੇਗਾ ਕਿਉਂਕਿ ਇਸ ਨਾਲ ਨਾ ਸਿਰਫ ਘਰ ’ਚ ਮੁਫਤ ਬਿਜਲੀ ਹੋਵੇਗੀ ਅਤੇ ਵਾਧੂ ਬਿਜਲੀ ਵੇਚ ਕੇ ਕਮਾਈ ਵੀ ਹੋਵੇਗੀ, ਨਾਲ-ਨਾਲ ਜੇਕਰ ਲੋਕ ਇਲੈਕਟ੍ਰਿਕ ਵਾਹਨਾਂ ਦੀ ਵਰਤੋਂ ਕਰਨਗੇ ਤਾਂ ਉਨ੍ਹਾਂ ਦੇ ਆਵਾਜਾਈ ਦੇ ਖਰਚੇ ਵੀ ਬਚ ਜਾਣਗੇ।

ਪਿਛਲੇ ਸਾਲਾਂ ਵਿੱਚ ਕਰੋੜਾਂ ਲੋਕ ਉੱਦਮੀ ਬਣੇ

ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ  ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੁਦਰਾ ਯੋਜਨਾ ਤੋਂ ਮਿਲੇ ਲਾਭਾਂ ਕਾਰਨ ਪਿਛਲੇ ਸਾਲਾਂ ਵਿੱਚ ਕਰੋੜਾਂ ਲੋਕ ਉੱਦਮੀ ਬਣੇ ਹਨ। ਇਸ ਸਕੀਮ ਰਾਹੀਂ ਕਰੋੜਾਂ ਨੌਕਰੀਆਂ ਪੈਦਾ ਹੋਈਆਂ ਹਨ ਅਤੇ ਲੱਖਾਂ ਲੋਕ ਰੋਜ਼ਗਾਰ ਦੇ ਨਿਰਮਾਤਾ ਬਣੇ ਹਨ। ਯੋਜਨਾ ਦੀ ਸਫਲਤਾ ਨੂੰ ਦੇਖਦੇ ਹੋਏ ਭਾਰਤੀ ਜਨਤਾ ਪਾਰਟੀ ਨੇ ਸੰਕਲਪ ਲਿਆ ਹੈ ਕਿ ਹੁਣ ਮੁਦਰਾ ਯੋਜਨਾ ਦੇ ਤਹਿਤ ਲੋਨ ਦੀ ਸੀਮਾ 10 ਲੱਖ ਰੁਪਏ ਤੋਂ ਵਧਾ ਕੇ 20 ਲੱਖ ਰੁਪਏ ਕੀਤੀ ਜਾਵੇਗੀ। ਭਾਜਪਾ ਦਾ ਇਹ ਫੈਸਲਾ ਉਦਯੋਗ 4.0 ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰੇਗਾ ਅਤੇ ਨੌਜਵਾਨਾਂ ਨੂੰ ਨਵੀਂ ਤਾਕਤ ਦੇਵੇਗਾ।

ਇਹ ਸਕੀਮ ਸ਼ਹਿਰੀ ਅਤੇ ਪੇਂਡੂ ਖੇਤਰਾਂ ਦੇ ਨੌਜਵਾਨਾਂ ਨੂੰ ਆਪਣੀ ਦਿਲਚਸਪੀ ਦੇ ਕੰਮ ਕਰਨ ਲਈ ਵਧੇਰੇ ਫੰਡ ਅਤੇ ਵਧੇਰੇ ਸਰੋਤ ਪ੍ਰਦਾਨ ਕਰੇਗੀ। ਪ੍ਰਧਾਨ ਮੰਤਰੀ ਸਵਨਿਧੀ ਯੋਜਨਾ ਨੇ ਆਜ਼ਾਦੀ ਤੋਂ ਬਾਅਦ ਪਹਿਲੀ ਵਾਰ ਰੇਹੜੀ, ਪੱਟੜੀ, ਠੇਲੇ ਵਾਲਿਆਂ ਦੀ ਇੱਜ਼ਤ ਦੀ ਰੱਖਿਆ ਕਰਦਿਆਂ ਉਨ੍ਹਾਂ ਨੂੰ ਵਿਆਜ ਦੇ ਬੋਝ ਤੋਂ ਮੁਕਤ ਕੀਤਾ ਹੈ।

ਅੱਜ ਇਹ ਲੋਕ ਬੈਂਕਾਂ ਵਿੱਚ ਬਿਨਾਂ ਕਿਸੇ ਗਾਰੰਟੀ ਦੇ ਕਰਜ਼ੇ ਲੈਂਦੇ ਹਨ ਕਿਉਂਕਿ ਮੋਦੀ ਨੇ ਉਨ੍ਹਾਂ ਦੀ ਗਾਰੰਟੀ ਲਈ ਹੈ। ਇਸ ਸਕੀਮ ਦੀ ਲੋਨ ਸੀਮਾ ਨੂੰ 50 ਹਜ਼ਾਰ ਰੁਪਏ ਤੋਂ ਵਧਾਇਆ ਜਾਵੇਗਾ ਅਤੇ ਇਹ ਪੇਂਡੂ ਖੇਤਰਾਂ ਤੱਕ ਵੀ ਵਧਾਈ ਜਾਵੇਗੀ। ਜਿਨ੍ਹਾਂ ਨੂੰ ਕਿਸੇ ਨੇ ਨਹੀਂ ਪੁੱਛਿਆ ਮੋਦੀ ਉਨ੍ਹਾਂ ਨੂੰ ਪੂਜਦਾ ਹੈ। ਇਹ ਸਬਕਾ ਸਾਥ ਸਬਕਾ ਵਿਕਾਸ ਦੀ ਭਾਵਨਾ ਹੈ ਅਤੇ ਇਹ ਭਾਜਪਾ ਦੇ ਸੰਕਲਪ ਪੱਤਰ ਦੀ ਆਤਮਾ ਹੈ।

 ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਵਿੱਚ ਅਪਾਹਜ ਲੋਕਾਂ ਨੂੰ ਪਹਿਲ ਦਿੱਤੀ ਜਾਵੇਗੀ

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਵਿੱਚ ਅਪਾਹਜ ਲੋਕਾਂ ਨੂੰ ਪਹਿਲ ਦਿੱਤੀ ਜਾਵੇਗੀ। ਉਨ੍ਹਾਂ ਨੂੰ ਉਨ੍ਹਾਂ ਦੀਆਂ ਵਿਸ਼ੇਸ਼ ਲੋੜਾਂ ਅਨੁਸਾਰ ਵਿਸ਼ੇਸ਼ ਰਿਹਾਇਸ਼ ਯਕੀਨੀ ਬਣਾਈ ਜਾਵੇਗੀ। ਭਾਜਪਾ ਨੇ ਟਰਾਂਸਜੈਂਡਰਾਂ ਨੂੰ ਪਛਾਣ ਅਤੇ ਸਨਮਾਨ ਦਿੱਤਾ ਹੈ ਅਤੇ ਹੁਣ ਉਨ੍ਹਾਂ ਨੂੰ ਆਯੁਸ਼ਮਾਨ ਭਾਰਤ ਯੋਜਨਾ ਦੇ ਦਾਇਰੇ ਵਿੱਚ ਲਿਆਂਦਾ ਜਾਵੇਗਾ ਤਾਂ ਜੋ ਉਨ੍ਹਾਂ ਨੂੰ ਵੀ ਇਸ ਦਾ ਲਾਭ ਮਿਲ ਸਕੇ। ਔਰਤ ਕੇਂਦਰਿਤ ਵਿਕਾਸ ਕਰਕੇ ਅੱਜ ਭਾਰਤ ਪੂਰੀ ਦੁਨੀਆ ਨੂੰ ਦਿਸ਼ਾ ਦਿਖਾ ਰਿਹਾ ਹੈ।

ਪਿਛਲੇ 10 ਸਾਲ ਔਰਤਾਂ ਦੇ ਸਨਮਾਨ ਅਤੇ ਔਰਤਾਂ ਨੂੰ ਨਵੇਂ ਮੌਕੇ ਦੇਣ ਨੂੰ ਸਮਰਪਿਤ ਰਹੇ ਹਨ ਅਤੇ ਆਉਣ ਵਾਲੇ ਪੰਜ ਸਾਲ ਨਾਰੀ ਸ਼ਕਤੀ ਦੀ ਨਵੀਂ ਭਾਗੀਦਾਰੀ ਨੂੰ ਸਮਰਪਿਤ ਹੋਣਗੇ। ਪਿਛਲੇ ਦਸ ਸਾਲਾਂ ਵਿੱਚ 10 ਕਰੋੜ ਔਰਤਾਂ ਸਵੈ-ਸਹਾਇਤਾ ਸਮੂਹਾਂ ਵਿੱਚ ਸ਼ਾਮਲ ਹੋਈਆਂ ਹਨ, ਭਾਜਪਾ ਇਨ੍ਹਾਂ ਸਵੈ-ਸਹਾਇਤਾ ਸਮੂਹਾਂ ਨੂੰ ਹੁਣ ਆਈਟੀ, ਸਿੱਖਿਆ, ਸਿਹਤ, ਪ੍ਰਚੂਨ ਅਤੇ ਸੈਰ-ਸਪਾਟਾ ਵਰਗੀਆਂ ਸੇਵਾਵਾਂ ਲਈ ਸਿਖਲਾਈ ਦੇਵੇਗੀ।

ਹੁਣ ਤੱਕ 1 ਕਰੋੜ ਔਰਤਾਂ ਲਖਪਤੀ ਦੀਦੀ ਬਣ ਚੁੱਕੀਆਂ ਹਨ ਅਤੇ ਭਾਜਪਾ ਹੁਣ 3 ਕਰੋੜ ਭੈਣਾਂ ਨੂੰ ਲਖਪਤੀ ਦੀਦੀ ਬਣਾਏਗੀ, ਇਹ ਮੋਦੀ ਦੀ ਗਾਰੰਟੀ ਹੈ। ਨਮੋ ਡਰੋਨ ਦੀਦੀ ਸਕੀਮ ਤਹਿਤ ਹਰ ਪਿੰਡ ਵਿੱਚ ਔਰਤਾਂ ਡਰੋਨ ਪਾਇਲਟ ਬਣਨਗੀਆਂ। ਇਸ ਸਕੀਮ ਨੇ ਪੇਂਡੂ ਔਰਤਾਂ ਦੀ ਇੱਜ਼ਤ ਅਤੇ ਕਮਾਈ ਵਿੱਚ ਵਾਧਾ ਕੀਤਾ ਹੈ ਅਤੇ ਇਨ੍ਹਾਂ ਔਰਤਾਂ ਨੇ ਖੇਤੀ ਦੇ ਖੇਤਰ ਵਿੱਚ ਵੱਡੀ ਕ੍ਰਾਂਤੀ ਲਿਆਂਦੀ ਹੈ। ਇਸੇ ਤਰ੍ਹਾਂ ਮਹਿਲਾ ਖਿਡਾਰੀਆਂ ਨੂੰ ਖੇਡਾਂ ਵਿੱਚ ਉਤਸ਼ਾਹਿਤ ਕਰਨ ਲਈ ਉਨ੍ਹਾਂ ਨੂੰ ਵਿਸ਼ੇਸ਼ ਸਹੂਲਤਾਂ ਦਿੱਤੀਆਂ ਜਾਣਗੀਆਂ। ਭਾਜਪਾ ਔਰਤਾਂ ਦੀ ਸਿਹਤ ਸੁਧਾਰਨ ਦੇ ਆਪਣੇ ਸੰਕਲਪ ‘ਤੇ ਚੱਲਦਿਆਂ ਹੁਣ ਸਰਵਾਈਕਲ ਕੈਂਸਰ ਤੋਂ ਮੁਕਤੀ ਲਈ ਮੁਹਿੰਮ ਚਲਾਏਗੀ।

ਭਾਰਤੀ ਜਨਤਾ ਪਾਰਟੀ ਪਿੰਡ ਦੀ ਸਮੁੱਚੀ ਆਰਥਿਕਤਾ ਨੂੰ ਪੂਰੀ ਤਰ੍ਹਾਂ ਦੇਖਦੀ ਹੈ

ਮੋਦੀ ਨੇ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਪਿੰਡ ਦੀ ਸਮੁੱਚੀ ਆਰਥਿਕਤਾ ਨੂੰ ਪੂਰੀ ਤਰ੍ਹਾਂ ਦੇਖਦੀ ਹੈ, ਇਸੇ ਲਈ ਖੇਤੀ, ਪਸ਼ੂ ਪਾਲਣ ਅਤੇ ਮੱਛੀ ਪਾਲਣ ਸਮੇਤ ਸਾਰੇ ਖੇਤਰਾਂ ਦੇ ਲੋਕਾਂ ਨੂੰ ਸਸ਼ਕਤ ਬਣਾਇਆ ਜਾ ਰਿਹਾ ਹੈ। ਭਾਜਪਾ ਨੇ ਪਸ਼ੂ ਪਾਲਕਾਂ ਅਤੇ ਮਛੇਰਿਆਂ ਨੂੰ ਕਿਸਾਨ ਕ੍ਰੈਡਿਟ ਕਾਰਡ ਦੇ ਦਾਇਰੇ ਵਿੱਚ ਸ਼ਾਮਲ ਕੀਤਾ ਹੈ। ਦੇਸ਼ ਦੇ 10 ਕਰੋੜ ਕਿਸਾਨਾਂ ਨੂੰ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਦਾ ਲਾਭ ਮਿਲਦਾ ਰਹੇਗਾ। ਭਾਜਪਾ ਸਰਕਾਰ ਸਹਿਕਾਰਤਾ ਰਾਹੀਂ ਖੁਸ਼ਹਾਲੀ ਦੇ ਵਿਜਨ ‘ਤੇ ਚੱਲਦਿਆਂ ਰਾਸ਼ਟਰੀ ਸਹਿਕਾਰੀ ਨੀਤੀ ਲਿਆਵੇਗੀ ਜਿਸ ਤਹਿਤ ਦੇਸ਼ ਭਰ ਵਿੱਚ ਡੇਅਰੀ ਸਹਿਕਾਰੀ ਸਭਾਵਾਂ ਦੀ ਗਿਣਤੀ ਵੀ ਵਧਾਈ ਜਾਵੇਗੀ। ਭਾਜਪਾ ਸਰਕਾਰ ਨੇ ਹਾਲ ਹੀ ਵਿੱਚ ਦੁਨੀਆ ਦੀ ਸਭ ਤੋਂ ਵੱਡੀ ਅਨਾਜ ਭੰਡਾਰਨ ਯੋਜਨਾ ਸ਼ੁਰੂ ਕੀਤੀ ਹੈ।

ਭਾਰਤ ਨੂੰ ਗਲੋਬਲ ਨਿਊਟ੍ਰੀਸ਼ਨ ਹੱਬ ਬਣਾਉਣ ਲਈ ਭਾਜਪਾ ਸਰਕਾਰ ਸੁਪਰ ਫੂਡ ‘ਤੇ ਜ਼ਿਆਦਾ ਜ਼ੋਰ ਦੇਣ ਜਾ ਰਹੀ ਹੈ। ਸ਼੍ਰੀਅੰਨ ਪੈਦਾ ਕਰਨ ਵਾਲੇ ਦੋ ਕਰੋੜ ਤੋਂ ਵੱਧ ਕਿਸਾਨਾਂ ਨੂੰ ਦਾਲਾਂ ਅਤੇ ਤੇਲ ਬੀਜਾਂ ਵਿੱਚ ਆਤਮ-ਨਿਰਭਰ ਬਣਾਉਣ ਲਈ ਹਰ ਤਰ੍ਹਾਂ ਦੀ ਮਦਦ ਮੁਹੱਈਆ ਕਰਵਾਈ ਜਾਵੇਗੀ। ਬੀਜੇਪੀ ਸਬਜ਼ੀਆਂ ਦੇ ਉਤਪਾਦਨ ਅਤੇ ਸਟੋਰੇਜ ਲਈ ਨਵੇਂ ਕਲੱਸਟਰ ਬਣਾਏਗੀ, ਮੱਛੀ ਪਾਲਣ ਦੇ ਖੇਤਰ ਲਈ ਵੀ ਨਵੇਂ ਉਤਪਾਦਨ ਕਲੱਸਟਰ ਬਣਾਏਗੀ ਅਤੇ ਮਛੇਰਿਆਂ ਨੂੰ ਸੀਵੈਡ ਅਤੇ ਮੋਤੀ ਦੀ ਖੇਤੀ ਲਈ ਵੀ ਉਤਸ਼ਾਹਿਤ ਕਰੇਗੀ। ਇਸ ਤੋਂ ਇਲਾਵਾ ਕੁਦਰਤੀ ਖੇਤੀ ਅਤੇ ਨੈਨੋ ਯੂਰੀਆ ਦੀ ਵੱਧ ਤੋਂ ਵੱਧ ਵਰਤੋਂ ‘ਤੇ ਵੀ ਜ਼ੋਰ ਦਿੱਤਾ ਜਾਵੇਗਾ। ਭਾਜਪਾ ਨੇ ਕਿਸਾਨ ਸਮਰਿਧੀ ਕੇਂਦਰਾਂ ਦਾ ਵਿਸਥਾਰ ਕਰਨ ਦਾ ਵੀ ਸੰਕਲਪ ਕੀਤਾ ਹੈ। ਭਾਜਪਾ ਦਾ ਸੰਕਲਪ ਭਾਰਤ ਨੂੰ ਫੂਡ ਪ੍ਰੋਸੈਸਿੰਗ ਹੱਬ ਬਣਾਉਣਾ ਹੈ ਅਤੇ ਇਹ ਫੂਡ ਪ੍ਰੋਸੈਸਿੰਗ ਪਲਾਂਟ ਪੇਂਡੂ ਖੇਤਰਾਂ ਲਈ ਨਵੇਂ ਗ੍ਰੋਥ ਇੰਜਣ ਬਣਨਗੇ।

ਦੇਸ਼ ਵਿੱਚ ਆਦਿਵਾਸੀ ਸਵੈਮਾਣ ਦਿਵਸ ਮਨਾਉਣਾ ਸ਼ੁਰੂ ਕੀਤਾ

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਭਾਜਪਾ ਸਰਕਾਰ ਨੇ ਆਦਿਵਾਸੀ ਸਮਾਜ ਦੇ ਮਾਣ ਨੂੰ ਪਛਾਣਦੇ ਹੋਏ ਦੇਸ਼ ਵਿੱਚ ਆਦਿਵਾਸੀ ਸਵੈਮਾਣ ਦਿਵਸ ਮਨਾਉਣਾ ਸ਼ੁਰੂ ਕੀਤਾ ਹੈ। 2025 ਵਿੱਚ, ਭਗਵਾਨ ਬਿਰਸਾ ਮੁੰਡਾ ਦੀ 150ਵੀਂ ਜਯੰਤੀ ਰਾਸ਼ਟਰੀ ਪੱਧਰ ‘ਤੇ ਮਨਾਈ ਜਾਵੇਗੀ ਅਤੇ ਜਨਜਾਤੀ ਸਵੈਮਾਣ ਮੁਹਿੰਮ ਨੂੰ ਦੇਸ਼ ਭਰ ਵਿੱਚ ਹੁਲਾਰਾ ਦਿੱਤਾ ਜਾਵੇਗਾ। ਭਾਜਪਾ ਕਬਾਇਲੀ ਵਿਰਾਸਤ ‘ਤੇ ਖੋਜ ਨੂੰ ਵੀ ਉਤਸ਼ਾਹਿਤ ਕਰੇਗੀ, ਡਿਜ਼ੀਟਲ ਕਬਾਇਲੀ ਆਰਟਸ ਅਕੈਡਮੀ ਦੀ ਸਥਾਪਨਾ ਕਰੇਗੀ, ਵਣ ਉਤਪਾਦ ਆਧਾਰਿਤ ਸਟਾਰਟ-ਅੱਪ ਅਤੇ ਸਵੈ-ਸਹਾਇਤਾ ਸਮੂਹਾਂ ਨੂੰ ਵੀ ਉਤਸ਼ਾਹਿਤ ਕਰੇਗੀ ਅਤੇ 700 ਤੋਂ ਵੱਧ ਏਕਲਵਿਆ ਸਕੂਲ ਬਣਾਉਣ ਦਾ ਟੀਚਾ ਵੀ ਹਾਸਲ ਕਰੇਗੀ। ਭਾਜਪਾ ਵਿਕਾਸ ਵੀ ਅਤੇ ਵਿਰਾਸਤ ਵੀ ਦੇ ਮੰਤਰ ਵਿੱਚ ਵਿਸ਼ਵਾਸ ਰੱਖਦੀ ਹੈ।

ਭਾਜਪਾ ਪੂਰੀ ਦੁਨੀਆ ਵਿੱਚ ਥਿਰੂਵੱਲੂਵਰ ਸੱਭਿਆਚਾਰਕ ਕੇਂਦਰ ਸਥਾਪਿਤ ਕਰੇਗੀ। ਦੁਨੀਆ ਦੀ ਸਭ ਤੋਂ ਪੁਰਾਣੀ ਭਾਸ਼ਾ ਅਤੇ ਦੇਸ਼ ਦਾ ਮਾਣ ਤਾਮਿਲ ਭਾਸ਼ਾ ਦਾ ਗਲੋਬਲ ਵੱਕਾਰ ਵਧਾਉਣ ਲਈ ਭਾਜਪਾ ਹਰ ਤਰ੍ਹਾਂ ਦੀਆਂ ਨਵੀਆਂ ਪਹਿਲਕਦਮੀਆਂ ਸ਼ੁਰੂ ਕਰੇਗੀ। ਭਾਜਪਾ ਦੁਨੀਆ ਭਰ ਦੇ ਸੈਲਾਨੀਆਂ ਨੂੰ ਦੇਸ਼ ਦੀ ਵਿਰਾਸਤ ਨਾਲ ਜੋੜੇਗੀ ਅਤੇ ਨਾਲੰਦਾ ਸਮੇਤ ਦੇਸ਼ ਦੀ ਵਿਰਾਸਤ ਨੂੰ ਵਿਸ਼ਵ ਵਿਰਾਸਤ ਨਾਲ ਜੋੜੇਗੀ। ਟੂਰਿਜਮ ਡੈਸਟੀਨੇਸ਼ਨ ਰੈਂਕਿੰਗ ਦੇ ਆਧਾਰ ‘ਤੇ ਸੈਰ-ਸਪਾਟਾ ਸਥਾਨਾਂ ਦਾ ਸਰਬਪੱਖੀ ਵਿਕਾਸ ਕੀਤਾ ਜਾਵੇਗਾ। ਭਾਜਪਾ ਈਕੋਟੂਰਿਜ਼ਮ ਦੇ ਨਵੇਂ ਕੇਂਦਰ ਸਥਾਪਿਤ ਕਰੇਗੀ।

21ਵੀਂ ਸਦੀ ਦੇ ਭਾਰਤ ਦੀ ਨੀਂਹ ਨੂੰ ਮਜ਼ਬੂਤ ਕਰਨ ਜਾ ਰਹੀ

ਮੋਦੀ ਨੇ ਕਿਹਾ ਕਿ ਭਾਜਪਾ ਤਿੰਨ ਤਰ੍ਹਾਂ ਦੇ ਇਨਫ੍ਰਾਸਟ੍ਰਕਚਰ ਨਾਲ 21ਵੀਂ ਸਦੀ ਦੇ ਭਾਰਤ ਦੀ ਨੀਂਹ ਨੂੰ ਮਜ਼ਬੂਤ ਕਰਨ ਜਾ ਰਹੀ ਹੈ। ਜਿਸ ਵਿੱਚ ਸੋਸ਼ਲ ਇਨਫ੍ਰਾਸਟ੍ਰਕਚਰ, ਡਿਟਲ ਇਨਫ੍ਰਾਸਟ੍ਰਕਚਰ ਅਤੇ ਫਿਜ਼ੀਕਲ ਇਨਫ੍ਰਾਸਟ੍ਰਕਚਰ ਸ਼ਾਮਲ ਹਨ। ਭਾਜਪਾ ਸੋਸ਼ਲ ਇਨਫ੍ਰਾਸਟ੍ਰਕਚਰ ਲਈ ਨਵੀਆਂ ਵਿੱਦਿਅਕ ਸੰਸਥਾਵਾਂ ਅਤੇ ਯੂਨੀਵਰਸਿਟੀਆਂ ਦੀ ਸਥਾਪਨਾ ਕਰ ਰਹੀ ਹੈ ਅਤੇ ਹਾਦਸਿਆਂ ਨੂੰ ਘਟਾਉਣ ਲਈ ਟਰੱਕ ਡਰਾਈਵਰਾਂ ਲਈ ਹਾਈਵੇਅ ਦੇ ਨੇੜੇ ਇੱਕ ਵੱਡਾ ਇਨਫ੍ਰਾਸਟ੍ਰਕਚਰ ਵਿਕਸਤ ਕਰ ਰਹੀ ਹੈ। ਫਿਜ਼ੀਕਲ ਇਨਫ੍ਰਾਸਟ੍ਰਕਚਰ ਲਈ ਦੇਸ਼ ਵਿੱਚ ਹਾਈਵੇਅ, ਰੇਲਵੇ, ਜਲ ਮਾਰਗ ਅਤੇ ਹਵਾਈ ਮਾਰਗਾਂ ਦਾ ਆਧੁਨਿਕੀਕਰਨ ਕੀਤਾ ਜਾ ਰਿਹਾ ਹੈ।

ਡਿਟਲ ਇਨਫ੍ਰਾਸਟ੍ਰਕਚਰ ਢਾਂਚੇ ਲਈ, 5- ਦਾ ਵਿਸਤਾਰ ਕੀਤਾ ਜਾ ਰਿਹਾ ਹੈ, 6- ‘ਤੇ ਕੰਮ ਕੀਤਾ ਜਾ ਰਿਹਾ ਹੈ ਅਤੇ ਉਦਯੋਗ 4.0 ਨੂੰ ਕੇਂਦਰ ਵਿੱਚ ਰੱਖ ਕੇ ਨੀਤੀਆਂ ਬਣਾਈਆਂ ਜਾ ਰਹੀਆਂ ਹਨ। ਵੱਧ ਤੋਂ ਵੱਧ ਸਰਕਾਰੀ ਸੇਵਾਵਾਂ ਨੂੰ ਆਨਲਾਈਨ ਬਣਾਇਆ ਜਾ ਰਿਹਾ ਹੈ, ਕਾਮਨ ਸਰਵਿਸ ਸੈਂਟਰਾਂ ਦੀ ਗਿਣਤੀ ਵਧਾਈ ਜਾ ਰਹੀ ਹੈ ਅਤੇ ਓ.ਐਨ.ਡੀ.ਸੀ. ਅਤੇ ਟੈਲੀਮੇਡੀਸਨ ਦਾ ਵਿਸਤਾਰ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਤਿੰਨਾਂ ਇਨਫ੍ਰਾਸਟ੍ਰਕਚਰ ਦੀ ਗਤੀ ਅਤੇ ਸਕੇਲ ਇੰਨੀ ਤੇਜ਼ੀ ਨਾਲ ਵਧੇਗਾ ਕਿ ਸਕੋਪ ਵੀ ਵਧੇਗਾ।

ਇਹ ਭਾਜਪਾ ਦੀਆਂ ਪ੍ਰਮੁੱਖ ਤਰਹਾਂ ਵਿੱਚੋਂ ਇੱਕ ਹੈ। ਦੇਸ਼ ਦੀਆਂ ਪਿਛਲੀਆਂ ਸਰਕਾਰਾਂ ਸ਼ਹਿਰੀਕਰਨ ਨੂੰ ਚੁਣੌਤੀ ਸਮਝਦੀਆਂ ਸਨ ਪਰ ਭਾਜਪਾ ਇਸ ਨੂੰ ਮੌਕੇ ਵਜੋਂ ਦੇਖਦੀ ਹੈ। ਭਾਜਪਾ ਸਰਕਾਰ ਦੇਸ਼ ਵਿੱਚ ਨਵੇਂ ਸੈਟੇਲਾਈਟ ਟਾਊਨ ਬਣਾਏਗੀ ਜੋ ਦੇਸ਼ ਦੇ ਵਿਕਾਸ ਦੇ ਕੇਂਦਰ ਬਣਨਗੇ। ਭਾਜਪਾ ਦੇਸ਼ ਦੇ ਹਵਾਬਾਜ਼ੀ ਖੇਤਰ ਦੇ ਵਿਸਤਾਰ ਵੱਲ ਵੀ ਵਿਸ਼ੇਸ਼ ਧਿਆਨ ਦੇ ਰਹੀ ਹੈ।

1000 ਤੋਂ ਵੱਧ ਜਹਾਜ਼ਾਂ ਲਈ ਡੀਲ ਕੀਤੀ ਹੈ

ਦੇਸ਼ ਨੇ ਹਾਲ ਹੀ ਵਿੱਚ 1000 ਤੋਂ ਵੱਧ ਜਹਾਜ਼ਾਂ ਲਈ ਡੀਲ ਕੀਤੀ ਹੈ, ਇਹ ਜਹਾਜ਼ ਆਪਣੇ ਨਾਲ ਰੁਜ਼ਗਾਰ ਦੇ ਨਵੇਂ ਮੌਕੇ ਵੀ ਲੈ ਕੇ ਆਉਣਗੇ। ਇਹ ਸੈਕਟਰ ਦੇਸ਼ ਦੇ ਛੋਟੇ ਸ਼ਹਿਰਾਂ ਵਿੱਚ ਰਹਿਣ ਵਾਲੇ ਨੌਜਵਾਨਾਂ ਲਈ ਡ੍ਰੀਮ ਸੈਂਟ ਵੀ ਬਣਨ ਜਾ ਰਿਹਾ ਹੈ। ਭਾਜਪਾ ਵੰਦੇ ਭਾਰਤ ਟਰੇਨ ਦਾ ਦੇਸ਼ ਦੇ ਹਰ ਕੋਨੇ ਤੱਕ ਵਿਸਤਾਰ ਕਰੇਗੀ ਅਤੇ ਵੰਦੇ ਭਾਰਤ ਦੇ ਤਿੰਨ ਮਾਡਲ ਦੇਸ਼ ਵਿੱਚ ਚੱਲਣਗੇ – ਵੰਦੇ ਭਾਰਤ ਸਲੀਪਰ, ਵੰਦੇ ਭਾਰਤ ਚੇਅਰ ਕਾਰ ਅਤੇ ਵੰਦੇ ਭਾਰਤ ਮੈਟਰੋ। ਅਹਿਮਦਾਬਾਦ-ਮੁੰਬਈ ਬੁਲੇਟ ਟਰੇਨ ਦਾ ਕੰਮ ਪੂਰਾ ਹੋਣ ਦੇ ਨੇੜੇ ਹੈ।

ਭਾਜਪਾ ਨੇ ਸੰਕਲਪ ਲਿਆ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਭਾਰਤ ਦੀਆਂ ਚਾਰੇ ਦਿਸ਼ਾਵਾਂ ਵਿੱਚ ਇੱਕ-ਇੱਕ ਬੁਲੇਟ ਟਰੇਨ ਚਲਾਈ ਜਾਵੇਗੀ। ਭਾਜਪਾ ਦਾ ਸੰਕਲਪ ਪੱਤਰ ਦੇਸ਼ ਨੂੰ ਆਤਮ-ਨਿਰਭਰਤਾ ਵੱਲ ਲਿਜਾਣ ਵਾਲਾ ਹੈ। ਰੱਖਿਆ, ਖਾਣ ਵਾਲੇ ਤੇਲ ਅਤੇ ਊਰਜਾ ਆਯਾਤ ਸਮੇਤ ਹਰ ਖੇਤਰ ਵਿੱਚ ਭਾਰਤ ਦੀ ਆਤਮ-ਨਿਰਭਰਤਾ ਨੂੰ ਵਧਾਉਣ ਦਾ ਭਾਜਪਾ ਦਾ ਸੰਕਲਪ ਹੈ। ਇਹ ਪ੍ਰਾਜੈਕਟ ਨਾ ਸਿਰਫ਼ ਦੇਸ਼ ਨੂੰ ਆਤਮ-ਨਿਰਭਰ ਬਣਾਉਣਗੇ ਸਗੋਂ ਦੇਸ਼ ਦੇ ਵਾਤਾਵਰਨ ਦੀ ਰੱਖਿਆ ਵੀ ਕਰਨਗੇ। ਇਸ ਨਾਲ ਦੇਸ਼ ਵਿੱਚ ਵੱਡੀ ਗਿਣਤੀ ਵਿੱਚ ਹਰਿਤ ਨੌਕਰੀਆਂ ਪੈਦਾ ਹੋਣਗੀਆਂ।

ਦੇਸ਼ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦਾ ਬਾਜ਼ਾਰ ਤੇਜ਼ੀ ਨਾਲ ਵਧ ਰਿਹਾ

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਦੇਸ਼ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦਾ ਬਾਜ਼ਾਰ ਤੇਜ਼ੀ ਨਾਲ ਵਧ ਰਿਹਾ ਹੈ। 10 ਸਾਲ ਪਹਿਲਾਂ, ਇੱਕ ਸਾਲ ਵਿੱਚ ਸਿਰਫ 2000 EV ਵਿਕਰੀ ਹੋਈ, ਪਰ ਅੱਜ ਸਿਰਫ ਪਿਛਲੇ ਸਾਲ ਹੀ, ਦੇਸ਼ ਵਿੱਚ 17 ਲੱਖ ਤੋਂ ਵੱਧ EV ਵਿਕੇ ਹਨ। ਦੇਸ਼ ਭਰ ਵਿੱਚ ਇਲੈਕਟ੍ਰਿਕ ਵਾਹਨਾਂ ਲਈ ਚਾਰਜਿੰਗ ਸਟੇਸ਼ਨ ਅਤੇ ਲੋੜੀਂਦਾ ਬੁਨਿਆਦੀ ਢਾਂਚਾ ਬਣਾਇਆ ਜਾ ਰਿਹਾ ਹੈ। ਬੀਜੇਪੀ ਸਰਕਾਰ ਪੀਐਮ ਸੂਰਿਆ ਦੁਆਰਾ ਇਲੈਕਟ੍ਰਿਕ ਵਾਹਨਾਂ ਲਈ ਘਰਾਂ ਵਿੱਚ ਮੁਫਤ ਚਾਰਜਿੰਗ ਸ਼ੁਰੂ ਕਰਕੇ ਮੁਫਤ ਯਾਤਰਾ ਦੀ ਦਿਸ਼ਾ ਵਿੱਚ ਵੀ ਮਹੱਤਵਪੂਰਨ ਕਦਮ ਚੁੱਕ ਰਹੀ ਹੈ।

ਇਲੈਕਟ੍ਰਿਕ ਦੇ ਉੱਭਰ ਰਹੇ ਖੇਤਰ ਕਾਰਨ ਦੇਸ਼ ਭਰ ਵਿੱਚ ਰੁਜ਼ਗਾਰ ਦੇ ਕਈ ਨਵੇਂ ਮੌਕੇ ਪੈਦਾ ਹੋਣ ਜਾ ਰਹੇ ਹਨ। ਭਾਜਪਾ ਦਾ ਸੰਕਲਪ ਭਾਰਤ ਨੂੰ ਦੁਨੀਆ ਭਰ ਦੇ ਉੱਭਰ ਰਹੇ ਖੇਤਰਾਂ ਲਈ ਇੱਕ ਗਲੋਬਲ ਹੱਬ ਬਣਾਉਣਾ ਹੈ। ਉਹ ਸਮਾਂ ਦੂਰ ਨਹੀਂ ਜਦੋਂ ਭਾਰਤ ਗ੍ਰੀਨ ਊਰਜਾ, ਇਲੈਕਟ੍ਰੋਨਿਕਸ, ਫਾਰਮਾ, ਆਟੋਮੋਬਾਈਲ, ਸੈਮੀਕੰਡਕਟਰ, ਇਨੋਵੇਸ਼ਨ, ਲੀਗਲ ਇੰਸ਼ੋਰੈਂਸ ਅਤੇ ਕੰਟਰੈਕਟਿੰਗ ਅਤੇ ਕਮਰਸ਼ੀਅਲ ਜਿਹੇ ਖੇਤਰਾਂ ਵਿੱਚ ਵਿਸ਼ਵ ਦਾ ਗਲੋਬਲ ਹੱਬ ਬਣ ਜਾਵੇਗਾ। ਉਹ ਦਿਨ ਦੂਰ ਨਹੀਂ ਜਦੋਂ ਦੁਨੀਆ ਦੇ ਸਭ ਤੋਂ ਵੱਡੇ–ਵੱਡੇ ਇਕੋਨਾਮਿਕ ਕੇਂਦਰ ਭਾਰਤ ਵਿੱਚ ਹੋਣਗੇ ਅਤੇ ਦੇਸ਼ ਗਲੋਬਲ ਸਮਰੱਥਾ ਕੇਂਦਰ, ਗਲੋਬਲ ਟੈਕਨਾਲੋ ਸੈਂਟਰ ਅਤੇ ਗਲੋਬਲ ਇੰਨੀਅਰਿੰਗ ਸੈਂਟਰ ਦਾ ਇੱਕ ਵੱਡਾ ਕੇਂਦਰ ਬਣ ਜਾਵੇਗਾ। ਭਾਰਤ ਸਪੇਸ ਵਿਗਿਆਨ ਦੇ ਖੇਤਰ ਵਿੱਚ ਵੀ ਵਿਸ਼ਵ ਦੀ ਵੱਡੀ ਸ਼ਕਤੀ ਬਣ ਕੇ ਉਭਰੇਗਾ ਅਤੇ ਇਹ ਖੇਤਰ ਦੇਸ਼ ਨੂੰ ਕਲਪਨਾ ਤੋਂ ਵੀ ਪਰੇ ਦੇ ਮੌਕੇ ਪ੍ਰਦਾਨ ਕਰੇਗਾ।

ਦੁਨੀਆ ਵਿੱਚ ਅਨਿਸ਼ਚਿਤਤਾ ਦੇ ਬੱਦਲ ਛਾਏ ਹੋਏ ਹਨ

ਮੋਦੀ ਨੇ ਕਿਹਾ ਕਿ ਅੱਜ ਦੁਨੀਆ ਵਿੱਚ ਅਨਿਸ਼ਚਿਤਤਾ ਦੇ ਬੱਦਲ ਛਾਏ ਹੋਏ ਹਨ ਅਤੇ ਯੁੱਧ ਦੀ ਸਥਿਤੀ ਵਿਚਕਾਰ ਤਣਾਅ ਵਾਲਾ ਮਾਹੌਲ ਹੈ। ਤਣਾਅ ਵਾਲੇ ਇਲਾਕਿਆਂ ‘ਚ ਰਹਿ ਰਹੇ ਭਾਰਤੀਆਂ ਦੀ ਸੁਰੱਖਿਆ ਭਾਜਪਾ ਲਈ ਪਹਿਲ ਹੈ। ਜਦੋਂ ਦੁਨੀਆ ਭਰ ਵਿੱਚ ਅਜਿਹਾ ਤਣਾਅਪੂਰਨ ਮਾਹੌਲ ਬਣਿਆ ਹੋਵੇ, ਤਾਂ ਭਾਰਤ ਵਿੱਚ ਪੂਰਨ ਬਹੁਮਤ ਵਾਲੀ ਸਥਿਰ ਸਰਕਾਰ ਦੀ ਲੋੜ ਕਈ ਗੁਣਾ ਵੱਧ ਜਾਂਦੀ ਹੈ। ਅਜਿਹੀ ਸਰਕਾਰ ਜੋ ਦੇਸ਼ ਦੀ ਅਰਥਵਿਵਸਥਾ ਨੂੰ ਮਜ਼ਬੂਤੀ ਪ੍ਰਦਤਾਨ ਕਰਕੇ, ਵਿਕਾਸ ਵੱਲ ਲੈ ਕੇ ਜਾਵੇ, ਜਿਸ ਲਈ ਭਾਜਪਾ ਵਚਨਬੱਧ ਹੈ।

ਭਾਜਪਾ ਦਾ ਇਹ ਸੰਕਲਪ ਪੱਤਰ ਅਜਿਹੀ ਸਰਕਾਰ ਦੀ ਗਾਰੰਟੀ ਦਿੰਦਾ ਹੈ। ਭਾਰਤ ਮਨੁੱਖਤਾ ਦੀ ਭਲਾਈ ਲਈ ਵਿਸ਼ਵ ਮਿੱਤਰ ਵਜੋਂ ਨਿਰੰਤਰ ਯਤਨ ਕਰੇਗਾ। ਭਾਰਤੀ ਜਨਤਾ ਪਾਰਟੀ ਦੇਸ਼ ਹਿੱਤ ਵਿੱਚ ਵੱਡੇ ਅਤੇ ਸਖ਼ਤ ਫੈਸਲੇ ਲੈਣ ਤੋਂ ਪਿੱਛੇ ਨਹੀਂ ਹਟਦੀ, ਭਾਜਪਾ ਲਈ ਦੇਸ਼ ਪਾਰਟੀ ਨਾਲੋਂ ਵੱਡਾ ਹੈ। ਭਾਜਪਾ ਨੇ ਨਾਰੀ ਸ਼ਕਤੀ ਐਕਟ ਨੂੰ ਕਾਨੂੰਨ ਬਣਾਇਆ, ਧਾਰਾ 370 ਹਟਾ ਦਿੱਤੀ ਅਤੇ ਸੀਏਏ ਨੂੰ ਦੇਸ਼ ਵਿੱਚ ਲਾਗੂ ਕੀਤਾ।

ਰਿਫਾਰਮ, ਪਰਫਾਰਮ ਅਤੇ ਟ੍ਰਾਂਸਫਾਰਮ ਦੇ ਮੰਤਰ ‘ਤੇ ਚੱਲਕੇ ਭਾਰਤ ਤੇਜ਼ੀ ਨਾਲ ਹੋਰ ਅੱਗੇ ਵਧੇਗਾ। ਗੁੱਡ ਗਵਰਨੈਂਸ, ਡਿਟਲ ਗਵਰਨੈਂਸ ਅਤੇ ਡੇਟਾ ਗਵਰਨੈਂਸ ਲਈ ਦੇਸ਼ ’ਚ ਜ਼ਰੂਰੀ ਈਕੋਸਿਸਟਮ ਬਣਾਏ ਜਾਣਗੇ। ਭਾਜਪਾ ਇਕ ਦੇਸ਼, ਇਕ ਚੋਣ ਦੇ ਸੁਪਨੇ ਨਾਲ ਅੱਗੇ ਵਧ ਰਹੀ ਹੈ ਅਤੇ ਰਾਸ਼ਟਰੀ ਹਿੱਤ ਲਈ ਯੂਸੀਸੀ ਨੂੰ ਵੀ ਜ਼ਰੂਰੀ ਮੰਨਦੀ ਹੈ। ਭ੍ਰਿਸ਼ਟਾਚਾਰ ਗਰੀਬ ਅਤੇ ਮੱਧ ਵਰਗ ਦੇ ਪਰਿਵਾਰਾਂ ਦੇ ਹੱਕ ਖੋਂਹਦਾ ਹੈ, ਭਾਜਪਾ ਸਰਕਾਰ ਨੇ ਪਿਛਲੇ 10 ਸਾਲਾਂ ਵਿੱਚ ਭ੍ਰਿਸ਼ਟਾਚਾਰ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਹੈ। ਰਾਸ਼ਟਰੀ ਪੱਧਰ ‘ਤੇ ਹੋ ਰਹੇ ਹਜ਼ਾਰਾਂ ਕਰੋੜਾਂ ਦੇ ਘੁਟਾਲੇ ਹੁਣ ਰੁਕ ਗਏ ਹਨ।

ਗਰੀਬਾਂ ਨੂੰ ਉਨ੍ਹਾਂ ਦਾ ਹੱਕ ਮਿਲ ਰਿਹਾ ਹੈ ਅਤੇ ਗਰੀਬਾਂ ਨੂੰ ਲੁੱਟਣ ਵਾਲੇ ਜੇਲ੍ਹ ਜਾ ਰਹੇ ਹਨ। ਭ੍ਰਿਸ਼ਟਾਚਾਰੀਆਂ ਵਿਰੁੱਧ ਲਗਾਤਾਰ ਸਖ਼ਤ ਕਾਰਵਾਈ ਮੋਦੀ ਦੀ ਗਾਰੰਟੀ ਹੈ।

ਭਾਜਪਾ ਦੇ ਸੰਕਲਪ ਪੱਤਰ ‘ਤੇ 4 ਜੂਨ ਤੋਂ ਬਾਅਦ ਤੇਜ਼ੀ ਨਾਲ ਕੰਮ ਸ਼ੁਰੂ ਹੋ ਜਾਵੇਗਾ

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਮੈਂ ਲਾਲ ਕਿਲੇ ਦੀ ਪ੍ਰਾਚੀਰ ਤੋਂ ਕਿਹਾ ਸੀ ਕਿ ਇਹ ਸਮਾਂ ਹੈ, ਸਹੀ ਸਮਾਂ ਹੈ। ਆਉਣ ਵਾਲੇ 1 ਹਜ਼ਾਰ ਸਾਲਾਂ ਲਈ, ਭਾਰਤ ਦੇ ਭਵਿੱਖ ਦਾ ਫੈਸਲਾ ਕਰਨ ਦਾ ਇਹ ਸਭ ਤੋਂ ਵਧੀਆ ਸਮਾਂ ਅਤੇ ਮੌਕਾ ਹੈ। ਭਾਜਪਾ ਦੇ ਸੰਕਲਪ ਪੱਤਰ ‘ਤੇ 4 ਜੂਨ ਤੋਂ ਬਾਅਦ ਤੇਜ਼ੀ ਨਾਲ ਕੰਮ ਸ਼ੁਰੂ ਹੋ ਜਾਵੇਗਾ। ਭਾਜਪਾ ਸਰਕਾਰ ਨੇ ਸ਼ੁਰੂਆਤੀ 100 ਦਿਨਾਂ ਦੀ ਕਾਰਜ ਯੋਜਨਾ ‘ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਦੇਸ਼ ਦੇ 140 ਕਰੋੜ ਦੇਸ਼ਵਾਸੀਆਂ ਦਾ ਐਂਬੀਸ਼ਨ ‘ਮੋਦੀ ਦਾ ਮਿਸ਼ਨ’ ਹੈ। ਦੇਸ਼ ਨੇ ਚੰਦਰਯਾਨ ਦੀ ਸਫ਼ਲਤਾ ਦੇਖੀ ਹੈ ਅਤੇ ਹੁਣ ਗਗਨਯਾਨ ਦਾ ਮਾਣ ਵੀ ਅਨੁਭਵ ਕਰੇਗਾ।

ਹੁਣੇ ਦੇਸ਼ ਨੇ -20 ‘ਚ ਭਾਰਤ ਦਾ ਸਵਾਗਤ ਦੇਖਿਆ ਅਤੇ ਹੁਣ ਓਲੰਪਿਕ ਦੀ ਮੇਜ਼ਬਾਨੀ ‘ਚ ਵੀ ਆਪਣੀ ਪੂਰੀ ਤਾਕਤ ਲਗਾਵੇਗਾ। ਨਵੇਂ ਭਾਰਤ ਨੇ ਰਫ਼ਤਾਰ ਫੜ ਲਈ ਹੈ ਅਤੇ ਹੁਣ ਇਸਨੂੰ ਰੋਕਣਾ ਅਸੰਭਵ ਹੈ। ਮੈਂ ਇਹ ਸੰਕਲਪ ਪੱਤਰ ਮੋਦੀ ਦੀ ਗਾਰੰਟੀ ਵਜੋਂ 140 ਕਰੋੜ ਦੇਸ਼ਵਾਸੀਆਂ ਦੇ ਸਾਹਮਣੇ ਰੱਖ ਰਿਹਾ ਹਾਂ। 140 ਕਰੋੜ ਦੇਸ਼ਵਾਸੀਆਂ ਦੇ ਸੁਪਨਿਆਂ ਨੂੰ ਹਕੀਕਤ ਵਿੱਚ ਬਦਲਣ ਲਈ ਭਾਜਪਾ ਇਹ ਸੰਕਲਪ ਪੱਤਰ ਲੈ ਕੇ ਆਈ ਹੈ।ਮਾਂ ਭਾਰਤੀ ਦੇ ਕੋਟਿ-ਕੋਟਿ ਲੋਕਾਂ ਦੀ ਭਲਾਈ ਅਤੇ ਵਿਕਸਤ ਭਾਰਤ ਦੇ ਸੰਕਲਪ ਲਈ ਦੇਸ਼ ਦੀ ਜਨਤਾ ਭਾਜਪਾ ਦੀ ਤਾਕਤ ਵਧਾਵੇ ਅਤੇ ਆਪਣਾ ਆਸ਼ੀਰਵਾਦ ਪ੍ਰਦਾਨ ਕਰੇ।