ਅੱਜ ਰਾਜਸਥਾਨ ਕਾਂਗਰਸ ਦੇ ਇੰਚਾਰਜ  ਅਤੇ ਸਾਬਕਾ ਉਪ ਮੁੱਖ ਮੰਤਰੀ ਪੰਜਾਬ   ਸੁਖਜਿੰਦਰ ਸਿੰਘ ਰੰਧਾਵਾ ਨੇ  ਵੀਰਵਾਰ ਨੂੰ ਰਾਜਸਥਾਨ ਦੇ ਦੋਸਾ ਜਿਲੇ ਦੇ ਗੁਪਤੇਸਵਰ ਰੋਡ ਵਿਖੇ ਸ੍ਰੀ ਰਾਮ ਮੰਦਿਰ ਨੇੜੇ  ਵਰਕਰਾਂ ਦੇ ਸੰਮੇਲਨ ਵਿਚ ਬੋਲਦੇ ਹੋਏ ਕਿਹਾ ਹੈ ਕਿ ਚੀਨ  ਘੁਸਪੈਠ ਕਰਕੇ ਸਾਡੀ ਜ਼ਮੀਨ ਤੇ ਕਬਜ਼ਾ ਕਰੀ ਬੈਠਾ ਹੈ  ਅਤੇ ਪਾਕਿਸਤਾਨ ਦੀ ਸੈਨਾ  ਡਰੋਨ ਰਾਹੀ ਸਾਡੇ ਦੇਸ਼ ਖਾਸ ਕਰਕੇ  ਪੰਜਾਬ ਵਿਚ ਅਸਲਾ ਅਤੇ ਪੰਜਾਬ ਦੀ ਨੌਜਵਾਨੀ ਨੂੰ ਬਰਬਾਦ ਕਰਨ ਲਈ  ਹੀਰੋਇਨ ਅਤੇ ਹੋਰ ਨਸ਼ੀਲੇ ਪਦਾਰਥ ਸੁੱਟ ਰਿਹਾ ਹੈ ਉਹਨਾਂ ਸੱਭ ਨੂੰ ਰੋਕਣ ਵਿਚ ਮੋਦੀ ਸਰਕਾਰ  ਨਾਕਾਮਯਾਬ ਰਹੀ ਹੈ ।

  ਰੰਧਾਵਾ ਨੇ ਕਿਹਾ ਹੈ ਕਿ ਪਰ  ਦੂਸਰੇ ਪਾਸੇ ਆਪਣਿਆਂ ਹੱਕੀ ਅਤੇ ਜਾਇਜ ਮੰਗਾਂ ਨੂੰ ਲੈ ਕਿ ਸ਼ਾਂਤਮਈ ਪ੍ਰਦਰਸ਼ਨ ਕਰ ਰਹੇ ਦੇਸ਼ ਦੇ  ਕਿਸਾਨਾਂ ਨੂੰ  ਭਾਰਤੀ ਜਨਤਾ ਪਾਰਟੀ ਦੀ ਮੰਦੀ ਸਰਕਾਰ ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਚ ਨਹੀਂ ਵੜਨ ਦੇ ਰਹੀ ਉਲਟਾ ਉਹਨਾਂ ਤੇ ਪੰਜਾਬ ਹਰਿਆਣਾ ਦੀ ਸ਼ੰਭੂ ਅਤੇ ਖਨੌਰੀ ਸਰਹੱਦ ਤੇ ਅੰਨੇਵਾਹ ਗੋਲੀਆਂ ਅਤੇ ਅੱਥਰੂ ਗੈਸ ਦੇ ਅਨੇਵਾਹ ਦਾਗ ਕਿ ਮਨੁੱਖੀ ਅਧਿਕਾਰਾਂ ਦਾ ਹੱਨਣ ਕਰ ਰਹੀ ਹੈ ਅਤੇ ਪ੍ਰਦਰਸ਼ਨਕਾਰੀਆਂ ਨੂੰ ਸ਼ਹੀਦ ਅਤੇ ਗੰਭੀਰ ਤੌਰ ਤੇ ਫੱਟਰ ਕਰਕੇ ਉਹਨਾਂ ਨੂੰ ਅੰਗਹੀਣ ਕਰ ਰਹੀ ਹੈ ਜਿਸ ਨਾਲ ਭਾਰਤੀ ਜਨਤਾ ਪਾਰਟੀ ਦੀ  ਦੇਸ਼ ਦੇ ਕਿਸਾਨਾਂ ਪ੍ਰਤੀ  ਸੌੜੀ  ਅਤੇ ਘਟੀਆ ਸੋਚ ਦਾ ਪ੍ਰਗਟਾਵਾ ਹੁੰਦਾ ਹੈ ।

ਉਹਨਾਂ ਨੇ ਮੋਦੀ ਸਰਕਾਰ ਅਤੇ ਖੱਟਰ ਸਰਕਾਰ ਨੂੰ ਕਿਹਾ ਕਿ ਉਹ ਕਿਸਾਨਾਂ ਨਾਲ ਟਕਰਾਅ ਦਾ ਰਸਤਾ ਛੱਡ ਕਿ ਦੇਸ਼ ਦੀਆਂ ਸਰਹੱਦਾਂ ਵੱਲ ਤਵੱਜੋਂ ਦੇਵੇ ਤਾਂ ਕਿ ਕੋਈ ਵੀ ਅਨਸਰ ਸਾਡੇ ਦੇਸ਼ ਨੂੰ ਕਮਜ਼ੋਰ ਨਾ ਕਰ ਸੱਕੇ ।

ਰੰਧਾਵਾ ਨੇ  ਜਿਲੇ ਭਰ ਦੇ ਵਰਕਰਾਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਇਸ ਬਾਰ ਭਾਈ ਭਤੀਜਾ ਵਾਦ ਨੂੰ ਤਰਜੀਹ ਨਾ ਕਿ ਕਾਂਗਰਸ ਪਾਰਟੀ ਲ‌ਈ ਦਿਨ ਰਾਤ ਕੰਮ ਕਰਨ ਵਾਲੇ ਵਰਕਰਾਂ ਨੂੰ ਪਾਰਟੀ ਲੋਕ ਸਭਾ ਚੋਣਾਂ ਵਿੱਚ ਤਰਜੀਹ ਦੇਣ ਨੂੰ ਪਹਿਲ ਕਰੇਂਗੀ।

ਮੀਡੀਆ ਨੂੰ ਇਹ ਜਾਣਕਾਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦੇ ਪਰਿਵਾਰਕ ਮੈਂਬਰ ਅਤੇ ਸੀਨੀਅਰ ਕਾਂਗਰਸੀ ਆਗੂ ਕਿਸ਼ਨ ਚੰਦਰ ਮਹਾਜ਼ਨ  ਨੇ ਦਿਤੀ।