ਸਕੂਲ ਅਧਿਆਪਕਾਂ ਨੇ ਜਨਮ ਦਿਨ ਮੌਕੇ ਸਕੂਲ ਵਿੱਚ ਪੌਦੇ ਲਗਾਏ

ਸਕੂਲ ਨੂੰ ਹਰਿਆਵਲ ਭਰਿਆ ਅਤੇ ਸੋਹਣਾ ਬਣਾਉਣ ਲਈ ਚੰਗਾ ਕਦਮ – ਪ੍ਰਿੰਸੀਪਲ ਬਲਬੀਰ ਸਿੰਘ ਡੀਡੀਓ

ਰਾਜਪੁਰਾ 17 ਮਾਰਚ ( )

ਸਰਕਾਰੀ ਹਾਈ ਸਕੂਲ ਰਾਜਪੁਰਾ ਟਾਊਨ ਦੇ ਕੰਪਿਊਟਰ ਅਧਿਆਪਕ ਨਰੇਸ਼ ਧਮੀਜਾ ਅਤੇ ਪੰਜਾਬੀ ਅਧਿਆਪਕਾ ਗੁਰਜਿੰਦਰ ਕੌਰ ਨੇ ਆਪਣੇ ਜਨਮ ਦਿਨ ਨੂੰ ਯਾਦਗਾਰੀ ਬਣਾਉਣ ਲਈ ਸਕੂਲ ਦੇ ਕੈਂਪਸ ਵਿੱਚ ਪੌਦੇ ਲਗਾਏ। ਇਸ ਮੌਕੇ ਉਹਨਾਂ ਨਾਲ ਸਕੂਲ ਇੰਚਾਰਜ ਸੰਗੀਤਾ ਵਰਮਾ, ਨੀਲਮ ਚੌਧਰੀ, ਮੀਨਾ ਰਾਣੀ, ਮਨਦੀਪ ਕੌਰ, ਸੋਨੀਆ ਅਤੇ ਰਾਜਿੰਦਰ ਸਿੰਘ ਚਾਨੀ ਵੀ ਮੌਜੂਦ ਰਹੇ। ਸਕੂਲ ਦੇ ਡੀਡੀਓ ਪ੍ਰਿੰਸੀਪਲ ਬਲਬੀਰ ਸਿੰਘ ਨੇ ਇਸ ਕਾਰਜ ਦੀ ਸਰਾਹਨਾ ਕਰਦਿਆਂ ਕਿਹਾ ਕਿ ਸਕੂਲ ਦੇ ਸਮੂਹ ਅਧਿਆਪਕ ਸਕੂਲ ਕੈਂਪਸ ਨੂੰ ਸੋਹਣਾ, ਸਾਫ-ਸੁਥਰਾ ਅਤੇ ਹਰਿਆਵਲ ਭਰਿਆ ਬਣਾਉਣ ਲਈ ਭਰਪੂਰ ਯੋਗਦਾਨ ਪਾ ਰਹੇ ਹਨ।