ਸੰਭੁ ਬਾਰਡਰ : ਹਰਿਆਣਾ ਪੁਲਿਸ ਨੇ ਦਾਗੇ ਅਥਰੂ ਗੈਸ ਦੇ ਗੋਲੇ , ਕਈ ਕਿਸਾਨ ਜਖਮੀ

ਕੇਂਦਰ ਸਰਕਾਰ ਤੇ ਕਿਸਾਨਾਂ ਵਿਚ ਗੱਲਬਾਤ ਫੇਲ ਹੋਣ ਤੋਂ ਬਾਅਦ ਕਿਸਾਨਾਂ ਦੀਆਂ ਮੰਗਾ ਨੂੰ ਲੈ ਕੇ ਕਿਸਾਨਾਂ ਵਲੋਂ ਦਿੱਲੀ ਵੱਲ ਮਾਰਚ ਸ਼ੁਰੂ ਹੋ ਗਿਆ ਹੈ ਕਿਸਾਨ ਆਪਣਾ ਰਾਸ਼ਨ ਪਾਣੀ ਲੈ ਕੇ ਸੜਕਾਂ ਤੇ ਉਤਰ ਆਏ ਹਨ ਸੰਭੁ ਬਾਰਡਰ  ਤੇ ਖਨੌਰੀ ਬਾਰਡਰ ਤੇ  ਪੁਲਿਸ ਵਲੋਂ ਅਥਰੂ ਗੈਸ ਦੇ ਗੋਲੇ ਦਾਗੇ ਗਏ ਹਨ

ਸੰਭੁ ਬਾਰਡਰ ਤੇ ਮਾਹੌਲ ਤਣਾਅ ਪੂਰਨ ਬਣ ਗਿਆ ਹੈ ਹਰਿਆਣਾ ਪੁਲਿਸ ਵਲੋਂ ਖੇਤਾਂ ਰਹੀ ਜੋ ਕਿਸਾਨ ਜਾ ਰਹੇ ਹਨ ਉਨ੍ਹਾਂ ਤੇ ਵੀ ਅਥਰੂ ਗੈਸ ਛੱਡੀ ਗਈ ਹੈ ਇਸ ਦੌਰਾਨ ਕੁਝ ਕਿਸਾਨ ਜਖਮੀ ਵੀ ਹੋਏ ਹਨ ਕਿਸਾਨ ਪਿੱਛੇ ਹਟਣ ਲਈ ਤਿਆਰ ਨਹੀਂ ਹਨ

ਸਭ ਤੋਂ ਅੱਗੇ ਕਿਸਾਨ ਆਗੂ ਸਰਬਜੀਤ ਸਿੰਘ ਪੰਧੇਰ ਨਜਰ ਆ ਰਹੇ ਹਨ ਇਸ ਤੋਂ ਇਲਾਵਾ ਪੁਲਿਸ ਵਲੋਂ ਡਰੋਨ ਰਹੀ ਨਜ਼ਰ ਰੱਖੀ ਜਾ ਰਹੀ ਹੈ

ਇਸ ਵਾਰ ਕਿਸਾਨਾਂ ਵਲੋਂ ਲੰਬੀ ਤਿਆਰੀ ਕੀਤੀ ਗਈ ਹੈ ਤੇ ਹਰ ਪਿੰਡ ਵਿੱਚੋ ਕਿਸਾਨ ਇਸ ਮਾਰਚ ਵਿਚ ਸ਼ਾਮਿਲ ਹੋਣਗੇ ਦੂਜੇ ਪਾਸੇ ਕਿਸਾਨਾਂ ਨੂੰ ਰੋਕਣ ਲਈ ਪੁਲਿਸ ਵਲੋਂ ਸਖਤ ਪ੍ਰਬੰਧ ਕੀਤੇ ਗਏ ਹਨ ਕਿਸਾਨ ਟ੍ਰੈਕਟਰ ਤੇ ਟ੍ਰਾਲੀਆ ਲੈ ਕੇ ਨਿਕਲੇ ਹਨ

ਕਿਸਾਨਾਂ ਦਾ ਕਹਿਣਾ ਹੈ ਕਿ ਐਮ ਐਸ ਪੀ ਨੂੰ ਲੈ ਕੇ ਸਰਕਾਰ ਦੀ ਗਾਰੰਟੀ ਦੀ 2 ਸਾਲ ਹੋ ਗਏ ਹਨ ਪਰ ਕੋਈ ਕਾਰਵਾਈ ਨਹੀਂ ਹੋਈ ਹੈ ਐਮ ਐਸ ਪੀ ਨੂੰ ਲੈ ਕੇ ਕਿਸਾਨਾਂ ਦੀ ਕੇਂਦਰ ਸਰਕਾਰ ਨਾਲ ਸਹਿਮਤੀ ਨਹੀਂ ਹੋ ਸਕੀ ਹੈ ਕਿਸਾਨ ਐਮ ਐਸ ਪੀ ਗਾਰੰਟੀ ਦੀ ਮੰਗ ਕਰ ਰਹੇ ਹਨ

ਕਿਸਾਨਾਂ ਦਾ ਕਾਫਲਾ ਅਲੱਗ ਅਲੱਗ ਬਾਰਡਰ ਤੋਂ ਦਿੱਲੀ ਵੱਲ ਕੂਚ ਕਰ ਰਿਹਾ ਹੈ ਫ਼ਤਹਿਗੜ ਤੋਂ ਕਾਫਲਾ ਦਿੱਲੀ ਲਈ ਰਵਾਨਾ ਹੋ ਗਿਆ ਹੈ ਸੰਭੁ ਬਾਰਡਰ ਤੇ ਬੇਰੀਗੇੜ ਤੋੜ ਰਹੇ ਕਿਸਾਨਾਂ ਨੂੰ ਪੁਲਿਸ ਨੇ ਹਿਰਾਸਤ ਵਿਚ ਲਿਆ ਹੈ

ਹਰਿਆਣਾ ਦੀ ਖੱਟਰ ਸਰਕਾਰ ਵੱਲੋਂ ਪੰਜਾਬ ਤੋਂ ਦਿੱਲੀ ਜਾਣ ਵਾਲੀਆਂ ਸੜਕਾਂ ਤੇ ਲੈਂਟਰ ਪਾ ਕੇ ਤੇ ਵੱਡੇ ਵੱਡੇ ਬੇਰੀਕੇਡ ਲਾ ਕੇ ਕਿਸਾਨਾਂ ਨੂੰ ਦਿਲੀ ਜਾਣ ਤੋਂ ਰੋਕਣ ਲਈ ਬਾਰਡਰ ਸੀਲ ਕੀਤੇ ਗਏ ਹਨ