ਅਮ੍ਰਿਤਪਾਲ ਸਿੰਘ ਤੇ ਪੁਲਿਸ ਆਹਮਣੇ ਸਾਹਮਣੇ , ਸਮਰਥਕਾਂ ਨੇ ਬੇਰੀਗੇੜ ਤੋੜੇ, ਥਾਣੇ ‘ਚ ਦਾਖਲ ਹੋਏ Amritpal Singh ਦੇ ਸਮਰਥਕ

ਅਜਨਾਲਾ ਦੇ ਵਿਚ ਉਸ ਸਮੇ ਮਾਹੌਲ ਤਣਾਅ ਪੂਰਨ ਬਣ ਗਿਆ ਜਦੋ ਅਮ੍ਰਿਤਪਾਲ ਆਪਣੇ ਸੈਕੜੇ ਸਮਰਥਕਾਂ ਨਾਲ ਅਜਨਾਲਾ ਥਾਣੇ ਪਹੁੰਚੇ ਹਨ । ਇਸ ਦੌਰਾਨ ਉਨ੍ਹਾਂ ਦੇ ਸਮਰਥਕਾਂ ਪੁਲਿਸ ਬੇਰੀਗੇੜ ਤੋੜ ਤੇ ਅਜਨਾਲਾ ਥਾਣੇ ਅੰਦਰ ਦਾਖਿਲ ਹੋ ਗਏ ਹਨ । ਪੁਲਿਸ ਵਲੋਂ ਬੇਰੀਗੇੜ ਲਗਾਏ ਗਏ ਸਨ ,ਪਰ ਸੈਕੜੇ ਸਮਰਥਕਾਂ ਨੇ ਬੇਰੀਗੇੜ ਤੋੜਦੇ ਹੋਏ ਅੱਗੇ ਵਾਧੇ ਹਨ । ਉਨ੍ਹਾਂ ਨੇ ਥਾਣੇ ਦੇ ਬਾਹਰ ਧਰਨਾ ਦੇ ਦਿੱਤਾ ਹੈ । ਅਮ੍ਰਿਤਪਾਲ ਸਿੰਘ ਵਲੋਂ ਆਪਣੇ ਸਾਥੀ ਦੀ ਰਿਹਾਈ ਦੀ ਮੰਗ ਕੀਤੀ ਜਾ ਰਹੀ ਹੈ ਪਿਛਲੇ ਦਿਨੀ ਅਜਨਾਲਾ ਪੁਲਿਸ ਨੇ ਅਮ੍ਰਿਤਪਾਲ ਦੇ ਸਮਰਥਕ ਤੂਫ਼ਾਨ ਸਿੰਘ ਨੂੰ ਗਿਰਫ਼ਤਾਰ ਕਰ ਲਿਆ ਸੀ । ਅਮ੍ਰਿਤਪਾਲ ਸਿੰਘ ਨੇ ਦੋਸ਼ ਲਾਇਆ ਹੈ ਕਿ ਪੁਲਿਸ ਵਲੋਂ ਉਨ੍ਹਾਂ ਦੇ ਸਮਰਥਕ ਤੇ ਤਸ਼ੱਦਦ ਕੀਤਾ ਗਿਆ ਹੈ । ਉਨ੍ਹਾਂ ਦੀ ਮੰਗ ਹੈ ਕਿ ਉਨ੍ਹਾਂ ਦੇ ਸਾਥੀ ਤੂਫ਼ਾਨ ਸਿੰਘ ਨੂੰ ਤੁਰੰਤ ਰਿਹਾ ਕੀਤਾ ਜਾਵੇ । ਇਸ ਸਮੇ ਅਮ੍ਰਿਤਪਾਲ ਦੇ ਸਮਰਥਕਾਂ ਵਲੋਂ ਥਾਣੇ ਦੇ ਬਾਹਰ ਬੈਠ ਕੇ ਪਾਠ ਕੀਤਾ ਜਾ ਰਿਹਾ ਹੈ ।