ਰਾਮ ਮੰਦਿਰ ਉਦਘਾਟਨ : ਸੁਖਜਿੰਦਰ ਰੰਧਾਵਾ ਸੋਭਾ ਯਾਤਰਾ ਵਿਚ ਹੋਏ ਸਾ਼ਮਿਲ
ਸਮੂੱਹ ਸੰਗਤਾਂ ਨੂੰ ਦਿਤੀਆਂ ਲੱਖ ਲੱਖ ਮੁਬਾਰਕਾਂ
ਅੱਜ ਅਯੁੱਧਿਆ ਵਿਚ ਹੋ ਰਹੇ ਭਗਵਾਨ ਰਾਮ ਦੇ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਦੇ ਮੱਦੇਨਜਰ ਦਰਬਾਰ ਸ੍ਰੀ ਧਿਆਨਪੁਰ ਵੱਲੋਂ ਕੱਢੀ ਗਈ ਸੋਭਾ ਯਾਤਰਾ ਵਿਚ ਸਾ਼ਮਿਲ ਹੋ ਕਿ ਪੰਜਾਬ ਦੇ ਸਾਬਕਾ ਉਪ ਮੰਤਰੀ ਅਤੇ ਜਨਰਲ ਸਕੱਤਰ ਇੰਚਾਰਜ ਰਾਜਸਥਾਨ ਕਾਂਗਰਸ ਤੇ ਵਿਧਾਇਕ ਡੇਰਾ ਬਾਬਾ ਨਾਨਕ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਸਮੂੱਹ ਸਾਧ ਸੰਗਤ ਨੂੰ ਆਪਣੇ ਵੱਲੋਂ ਤੇ ਆਪਣੇ ਪਰਿਵਾਰ ਵੱਲੋਂਂ ਲੱਖ ਲੱਖ ਮੁਬਾਰਕਬਾਦ ਦਿਤੀ ।
ਸੋ਼ਭਾ ਯਾਤਰਾ ਵਿਚ ਸਾ਼ਮਿਲ ਹੋ ਕਿ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਕਿਹਾ ਸਾਨੂੰ ਭਗਵਾਨ ਰਾਮ ਦੁਆਰਾ ਦਰਸਾਏ ਮਾਰਗ ਤੇ ਚੱਲ ਕਿ ਮਨੁੱਖਤਾ ਨੂੰ ਪਿਆਰ ਕਰਨਾ ਚਾਹੀਦਾ ਹੈ । ਸਾਰੇ ਧਰਮਾਂ ਦੇ ਇਤਹਾਸਿਕ ਦਿਨ ਰੱਲ ਮਿਲ ਕੇ ਮਨਾਉਣੇ ਚਾਹੀਦੇ ਹਨ । ਆਪਸ ਵਿਚ ਪਿਆਰ ਤੇ ਸਦਭਾਵਨਾ ਨਾਲ ਰਹਿਣਾ ਚਾਹੀਦਾ ਹੈ ।
ਸੋ਼ਭਾ ਯਾਤਰਾ ਮੌਕੇ ਤੇ ਉਹਨਾਂ ਨਾਲ ਬਾਊ ਜਗਦੀਸ ਰਾਜ, ਸਵਿੰਦਰ ਸਿੰਘ ਭੰਮਰਾ ਮੈਂਬਰ ਪੰਜਾਬ ਪ੍ਰਦੇਸ ਕਾਂਗਰਸ, ਪਰਮਸੁਨੀਲ ਲੱਡੂ, ਤੇਜਵੰਤ ਸਿੰਘ ਮਾਲੇਵਾਲ ਬਲਾਕ ਪ੍ਰਧਾਨ ਡੇਰਾ ਬਾਬਾ ਨਾਨਕ, ਰਿੰਕੀ ਨੇਬ ਜਨਰਲ ਸੈਕਟਰੀ ਮਹਿਲਾ ਕਾਂਗਰਸ, ਬਿਕਰਮਜੀਤ ਸਿੰਘ ਸਰਪੰਚ ਮੰਮਣ, ਗੁਰਮੇਜ ਸਿੰਘ ਸੰਮਤੀ ਮੈਂਬਰ, ਪਲਵਿੰਦਰ ਸਿੰਘ ਆਰਤੀ,ਗੁਰਪ੍ਰੀਤ ਸਿੰਘ ਗੋਪੀ,ਗੋਲਡੀ ਭੰਮਰਾ ਸਮੇਤ ਇਲਾਕੇ ਦੀਆਂ ਧਾਰਮਿਕ ਸਖ਼ਸੀਅਤਾ ਹਾਜ਼ਰ ਸਨ ।
ਪੱਤਰਕਾਰਾਂ ਨੂੰ ਇਹ ਜਾਣਕਾਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦੇ ਕਰੀਬੀ ਸਾਥੀ ਅਤੇ ਸੀਨੀਅਰ ਕਾਂਗਰਸੀ ਲੀਡਰ ਕਿਸ਼ਨ ਚੰਦਰ ਮਹਾਜ਼ਨ ਨੇ ਦਿਤੀ ।
