ਝਾੜੂ ਦੀ ਲਪੇਟ ‘ਚ ਆਏ ਬਾਦਲ , ਵਿਧਾਨ ਸਭਾ ‘ਚੋਂ ਬਾਦਲ ਹੋਏ ਸਾਫ

ਦਹਾਕਿਆਂ ਬਾਅਦ ਵੀ ਪੰਜਾਬ ਵਿਧਾਨ ਸਭਾ ਵਿੱਚ ਇੱਕ ਵੀ ਬਾਦਲ ਥਾਂ ਨਹੀਂ ਬਣਾ ਸਕਿਆ।

ਪੰਜਾਬ ਦੇ ਚੋਣ ਰੁਝਾਨਾਂ ਤੋਂ ਹੁਣ ਇਹ ਸਪੱਸ਼ਟ ਹੋ ਰਿਹਾ ਹੈ ਕਿ ਦਹਾਕਿਆਂ ਬਾਅਦ ਪੰਜਾਬ ਵਿਧਾਨ ਸਭਾ ਤੋਂ ਬਾਦਲ ਪੂਰੀ ਤਰ੍ਹਾਂ ਸਾਫ ਗਏ ਹਨ।
ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਹੋਵੇ ਜਾਂ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਜਾਂ ਕਹਿ ਲਓ ਕਿ ਕਾਂਗਰਸ ਸਰਕਾਰ ਵਿੱਚ ਵਿੱਤ ਮੰਤਰੀ ਰਹੇ ਬਾਦਲ ਪਰਿਵਾਰ ਦੇ ਮਨਪ੍ਰੀਤ ਸਿੰਘ ਬਾਦਲ ਸਭ ਆਪੋ-ਆਪਣੀ ਸੀਟ ਤੋਂ ਹਾਰ ਗਏ ਹਨ। ਸਾਫ਼ ਹੈ ਕਿ ਆਉਣ ਵਾਲੀ ਵਿਧਾਨ ਸਭਾ ਵਿੱਚ ਇੱਕ ਵੀ ਬਾਦਲ ਆਪਣੀ ਥਾਂ ਨਹੀਂ ਬਣਾ ਸਕਿਆ ਹੈ। ਭਾਵੇਂ ‘ਆਪ’ ਦਾ ਝਾੜੂ ਪੂਰੇ ਪੰਜਾਬ ‘ਚ ਚੱਲਦਾ ਨਜ਼ਰ ਆ ਰਿਹਾ ਹੈ ਪਰ ਇਸ ਝਾੜੂ ਨੇ ਪੂਰੇ ਬਾਦਲ ਪਰਿਵਾਰ ਦਾ ਵਿਧਾਨ ਸਭਾ ‘ਚੋਂ ਲਗਭਗ ਸਫ਼ਾਇਆ ਕਰ ਦਿੱਤਾ ਹੈ।